მოკლედ: ჯანდაცვის სამინისტროს ინფორმაციით, წალენჯიხაში, საგარეჯოში, დუშეთში, ახალქალაქში, ყვარელში, ტყიბულში, სენაკში, მარტვილში, ხულოსა და ჭიათურაში დიალიზის სერვისი ამოქმედდა.

დეტალები: სამინისტროს მიხედვით, სამედიცინო დაწესებულებები, დიალიზისთვის საჭირო აპარატურით სრულად აღიჭურვა, ხოლო "ჰემოდიალიზის საჭიროების მქონე პირებს, მედპერსონალი ყოველდღიურად მოემსახურება".

  • ჯანდაცვის სამინისტრო წერს, რომ დიალიზის ცენტრები ქვეყნის 49 მუნიციპალურ ერთეულში, ყოველდღიურად, 2600 პაციენტს ემსახურება.

ბოლო ხაზი: 2024 წელს დიალიზის ცენტრები მესტიაში, ამბროლაურში, ლანჩხუთში, ყაზბეგსა და თიანეთში ამოქმედდა, "უახლოეს მომავალში კი, სამედიცინო მომსახურება კასპში, ცაგერში, წნორსა და დედოფლისწყაროშიც ამოქმედდება".