მოკლედ: მიხეილ სააკაშვილი აპირებს, სათავეში ჩაუდგეს ნაციონალური მოძრაობის პოლიტიკური აქტიურობის კომიტეტს, თუ ამას "პარტიის რიგითი წევრები დაუჭრენ მხარს".

  • ამის შესახებ საქართველოს მესამე პრეზიდენტმა, მიხეილ სააკაშვილმა, მისი საქმის სასამართლო პროცესზე კლინიკა ვივამედიდან ჩართვისას განაცხადა.

დეტალები: სააკაშვილის თქმით, კომიტეტში შევლენ პარტიის ლიდერები და "საზოგადოებრივად აქტიური მოღვაწეები": "მე მზად ვარ, რომ ამ არჩევნებში ვიყო აბსოლუტურად წინა ხაზზე ჩვენი პოლიტიკური ბრძოლის, იმიტომ, რომ აქ წყდება საქართველოს ყოფნა-არ ყოფნის საკითხი, აქ წყდება საერთოდ, გვექნება თუ არა მომავალი, თუ ეს მომავალი უიმედოდ დაიკარგა", — თქვა მან.

კონტექსტი: თავდაპირველად, კომიტეტის შექმნის იდეის შესახებ მიხეილ სააკაშვილმა 2023 წლის 20 დეკემბერს, ასევე სასამართლოში კლინიკა ვივამედიდან დისტანციურად ჩართვის დროს ისაუბრა.

  • მისი ინიციატივაა, შეიქმნას პოლიტიკური აქტიურობისა და ერთობის კომიტეტი.
  • სააკაშვილმა წინა წლის დეკემბერში თქვა, რომ კომიტეტში 25-მდე ადამიანი გაერთიანდებოდა, მათ შორის იქნებოდნენ ნაციონალური მოძრაობის თავმჯდომარე, ფრაქციის თავმჯდომარე, გენერალური მდივანი, პოლიტიკური საბჭოს თავმჯდომარე.
  • გარდა ამისა, მიხეილ სააკაშვილის თქმით, კომიტეტის შემადგენლობაში იქნებოდა სოფო ჯაფარიძე, რომელიც კომიტეტში მისი წარმომადგენელი უნდა ყოფილიყო.
  • "მინდა, ყველას ვუთხრა, რომ კომიტეტი უნდა იყოს იდეების გენერირების ადგილი, უნდა იყოს პრაქტიკულად ყოველგვარი ბიუროკრატიისგან თავისუფალი, მოქნილი ეროვნული თანხმობის სტრუქტურას", — თქვა გასული წლის ბოლოს სააკაშვილმა.