მოკლედ: ძლიერმა ქარმა და წყალდიდობამ სამეგრელო-ზემო სვანეთის რეგიონს ზარალი მიაყენა. ქარმა სახურავი გადახადა მრავალბინიან საცხოვრებელ სახლს მარტვილში და რამდენიმე კერძო სახლს ჩხოროწყუსა და წალენჯიხაში.

  • ამის შესახებ სამეგრელო-ზემო სვანეთის სახელმწიფო რწმუნებულმა გიორგი გუგუჩიამ განაცხადა.

დეტალები: გუგუჩიას თქმით, ქარმა სახურავი დაუზიანა ზუგდიდის მუნიციპალიტეტის სოფელ რუხის საჯარო სკოლასაც, სადაც სასწავლო პროცესი შეწყვეტილია.

  • "ძლიერი ქარის შედეგად მოგლეჯილი ხეებისგან გზის სავალი ნაწილების გაწმენდა წუხელვე მოხდა. ელექტრო ენერგია არ მიეწოდება სოფლების ნაწილს მიმდინარეობს აღდგენითი სამუშაოები", — თქვა გუგუჩიამ.
  • მისი თქმით, წყალდიდობის გამო, ანაკლიაში სანაპიროსთან მცხოვრები 7 ოჯახი დაიტბორა.
  • "ზარალის ოდენობა ჯერ უცნობია, სპეციალური კომისიები შეისწავლიან ზარალს", — განაცხადა გიორგი გუგუჩიამ.

ფოტო: სამეგრელო-ზემო სვანეთის სახელმწიფო რწმუნებულის ადმინისტრაცია

ბოლო ხაზი: სახელმწიფო რწმუნებულმა აღნიშნა, რომ გუშინ, 5 თებერვალს, მესტიის ცენტრალური გზიდან გამოიყვანეს, ზვავის გამო ჩაკეტილი 19 მოქალაქე და მანქანები.

მსგავსი: საქართველოში უამინდობაა — რა შეზღუდვები მოქმედებს გზებზე

მსგავსი: თოვლი, შტორმი, ძლიერი ქარი — ხვალიდან ამინდი გაუარესდება