მოკლედ: ხვალიდან, 5 თებერვლიდან ამინდი გაუარესდება, მოსალოდნელია ძლიერი თოვა და ქარი.

დეტალები: გარემოს ეროვნული სააგენტოს ინფორმაციით, ნალექს ელოდებიან, უმეტესად, თოვლის სახით, ზოგან ძლიერს (ძირითადად ქვეყნის დასავლეთ ნაწილში).

  • მთიან რეგიონებში ნისლი, ქარბუქი, გზებზე ლიპყინული, ზვავსაშიშროება, ელექტროგადამცემ სადენებზე შემოყინულობა;
  • ზღვაზე შესაძლებელია ძლიერი, 6 ბალამდე შტორმი.
  • 6 თებერვალს იქროლებს ძალიან ძლიერი ქარი.
  • დიდთოვლობის, ხილვადობის გაუარესების, ქარბუქის, ლიპყინულის და ზვავსაშიშროების გამო საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა.
  • მოსალოდნელმა ძლიერმა ნალექებმა დასავლეთ საქართველოს მდინარეებზე შესაძლებელია წყლის დონეების მნიშვნელოვანი მატება, ხოლო გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.