სელენა გომესმა ინსტაგრამზე თავის სხეულზე ისაუბრა. მომღერალმა საცურაო კოსტიუმში გადაღებული ორი ფოტო გააზიარა, რომლიდანაც ერთ-ერთი წლების წინანდელია, მეორე კი, ამჟამინდელი.

"დღეს გავიაზრე, რომ ასეთი სხეული აღარასოდეს მექნება. იდეალური არ ვარ, მაგრამ ჩემი თავით ვამაყობ. ზოგჯერ მავიწყდება, რომ არაუშავს, თუ ისეთი ვიქნები, როგორიც ვარ", — წერს მომღერალი.

გომესის თქმით, თავისი სხეულის შესახებ გაკეთებული კომენტარები არ სიამოვნებს, მაგრამ მათ უკვე აღარ უსმენს. სელენა ამბობს, რომ ადამიანები მაინც ყოველთვის გააკრიტიკებენ, არ აქვს მნიშვნელობა, გამხდარი იქნება თუ არა.

"რომ შემეძლოს, პატარა სელენას ვეტყოდი, რომ დატკბეს იმ სახითა და სხეულით, რაც აქვს. შეიძლება, ყველას არ ჰგავს, მაგრამ ის უნიკალურია და ამით უნდა იამაყოს", — ამბობს მსახიობი.

სელენა გომესს რამდენიმე წლის წინ თირკმელების ქრონიკული დაავადების დიაგნოზი დაუსვეს, რის გამოც 2017 წელს თირკმლის გადანერგვა დასჭირდა. სელენამ მკურნალობის პროცესში წამლების მიღება დაიწყო, რომელთა გავლენით ვარსკვლავის წონა მუდმივად იცვლება.

ამავე თემაზე: