მოკლედ: თბილისში, კეკელიძის ქუჩაზე აღსრულების ბიურო ოჯახის გამოსახლებას ცდილობს.

დეტალები: ამ დროისთვის, ოჯახის წევრები საცხოვრებელი კორპუსში იმყოფებიან და ბინას არ ტოვებენ.

  • პლატფორმა კომენტარის სამართლის პოლიტიკის მიმართულების რედაქტორის, სოფო ვერძეულის მიერ გავრცელებულ ფოტოებში ჩანს, რომ ადგილზე სასწრაფოს გამოძახება გახდა საჭრო.
  • ვერძეულის თქმით, ოჯახში, რომლის გამოსახლებასაც აღსრულების ბიურო ცდილობს, არიან ასაკოვანი ადამიანებიც.

კონტექსტი: აღსრულების ბიურო ოჯახის გამოსასახლებლად კეკელიძის ქუჩაზე დღეს დილით მივიდა, თუმცა, ადგილზე მათ მოქალაქეების დიდი ჯგუფი დახვდა.

ფოტო: მარიამ მერლანი / On.ge

  • საცხოვრებელ კორპუსთან შეკრებილები ითხოვენ, რომ გამოსახლების პროცესი შეჩერდეს.
  • ისინი ცდილობენ, ამ პროცესის დაწყებას ხელი შეუშალონ.
  • ადგილზე მობილიზებულია პოლიცია.
  • სოციალურ ქსელში დაანონსებულია როგორც ამ ოჯახის, ასევე, კიდევ ორი ოჯახის მხარდამჭერი აქციაც, რომელთაც აღსრულების ბიურო მომდევნო დღეებში — 24 და 26 იანვარს გასახლებას უპირებს.

არქივიდან: აღსრულების ბიურო კეკელიძის #1-დან ხატიაშვილების ოჯახის გამოსახლებას 2019 წლიდან ცდილობს. აქედან ბოლო მცდელობა მათ 2023 წლის 23 იანვარს ჰქონდათ, თუმცა, სავარაუდოდ, საზოგადოებრივი პროტესტის გამო, გასულ წელს ბიურომ პროცესი შეაჩერა.