მოკლედ: დღეს, 16 იანვარს, გავრცელდა ინფორმაცია, რომ თბილისის მერიამ თანამშრომლობა შეწყვიტა ორ კონტრაქტორ კომპანიასთან, ესენია: შპს ერ ტე დე და შპს მილენიუმ ბილდერს გრუპი.

  • კახა კალაძის მოადგილის, ირაკლი ბენდელიანის თქმით, კომპანიები, რომლებიც რეაბილიტაციას აწარმოებდნენ, "არაჯეროვნად შესრულებული სამუშაოებისთვის" ხელშეკრულებებში არსებული წესის თანახმად, დაჯარიმდებიან.
  • ასევე, მერია ამბობს, რომ წერეთლის გამზირზე მომუშავე კომპანიებთან კონტრაქტის გაწყვეტის მიუხედავად, წერეთლის გამზირზე საგზაო სამუშაოები დათქმულ ვადაში, იანვრის ბოლოს დასრულდება.
  • ასევე, ბედნელიანის თქმით, ამ ეტაპზე ალტერნატიული კომპანიების მოძიება დაჩქარებული წესით მიმდინარეობს და შესაბამისი ხელშეკრულებები ხვალ, 17 იანვარს გაფორმდება.

დეტალები: მერის მოადგილემ აღნიშნა, რომ კომპანიებთან კონტრაქტის გაწყევტის მიზეზი გარკვეული სახის დარღვევების გამო მოხდა, მათ შორის: "ვადების გადაცილება, გეგმა-გრაფიკთან ჩამორჩენა, ასევე, იყო უხარისხოდ შესრულებული სამუშაოები, რომლის გამოსწორებაც მოუწევთ შემსრულებელ კომპანიებს", — ამბობს ბენდელიანი.

  • ბენდელიანი აღნიშნავს, რომ უხარისხოს შესრულებული სამუშაოს გამოსწორებაზე პასუხიმგებლობა შემსრულებელ კომპანიებს ეკისრებათ და ამისთვის თბილისის მერია დამატებით თანხმას არ გასცემს.

ბოლო ხაზი: პროექტის ჯამური ღირებულება 32 600 000 ლარს შეადგენს, აქედან წერეთლის გამზირის რეაბილიტაციისთვის 28 მილიონ 400 ათასი ლარია გამოყოფილი, დანარჩენი დიდუბის რაიონში, შოთა შალიკაშვილის სახელობის ხიდის რეაბილიტაციისთვის დაიხარჯა.