რა ხდება: უკრაინა წელს, პირველად, შობას 25 დეკემბერს აღნიშნავს.

"ყველა უკრაინელი ერთად არის. ჩვენ ვზეიმობთ შობას ერთად, ერთსა და იმავე დღეს, როგორც ერთი დიდი ოჯახი, ერთი ერი, გაერთიანებული ქვეყანა", — თქვა პრეზიდენტმა ვოლოდიმირ ზელენსკიმ საშობაო მიმართვაში.

  • ზელენსკიმ შობის თარიღის 7 იანვრიდან 25 დეკემბერს გადატანის შესახებ განკარგულებას ხელი ივლისში მოაწერა.
  • ეს არის მთავრობის მიერ გადადგმული ერთ-ერთი ნაბიჯი იმისთვის, რომ სრულად წაშალოს რუსეთისა და საბჭოთა იმპერიების კვალი.

ვინ ზეიმობს შობას 7 იანვარს

მართლმადიდებლების უდიდესი ნაწილი აღმოსავლეთ და სამხრეთ-აღმოსავლეთ ევროპაში ცხოვრობს. ასევე, საკმაოდ ბევრი მართლმადიდებელია ახლო აღმოსავლეთსა და ეთიოპიაში.

მართლმადიდებლური ქრისტიანობა ქრისტიანობის ყველაზე გავრცელებული ფორმაა შუა აღმოსავლეთში. დაახლოებით,15 მილიონი ეგვიპტელი არის ქრისტიანი, მათი დიდი უმრავლესობა კოპტური მართლმადიდებლური ეკლესიის წევრია.

თუმცა, შობის თარიღი ყველა მართლმადიდებლური ეკლესიისთვის საერთო არ არის.

შობას 7 იანვარს აღნიშნავენ

  • საქართველო
  • რუსეთი
  • სერბეთი
  • მონტენეგრო
  • ბელარუსი
  • ბოსნია და ჰერცეგოვინას ნაწილი
  • ასევე — აფრიკულ ქვეყნებში, ეგვიპტესა და ეთიოპიაში მცხოვრები მართლმადიდებლები.

მართლმადიდებლური ეკლესიების ნაწილი შობას 25 დეკემბერს აღნიშნავს, მათ შორის

  • უკრაინა
  • საბერძნეთი
  • კვიპროსი
  • რუმინეთი.