2015 წელს ამერიკული კინო ეკრანი ბილი რეის ახალმა ფილმმა, Secret in Their Eyes, დაიპყრო, რომელიც 2009 წელს გამოსული ამავე სახელწოდების მქონე ოსკაროსანი არგენტინული ფილმის ადაპტაციაა.

ფილმში მთავარ როლებს ჩივეტელ ეჯიოფორთან ერთად ჯულია რობერტსი და ნიკოლ კიდმანიც ასრულებენ.

თავდაპირველად ნიკოლ კიდმანის მაგივრად ფილმში გვინეტ პელტროუ უნდა ყოფილიყო, თუმცა მან პროექტზე უარი თქვა. ამის შემდეგ პროდიუსერებს რამდენიმე კანდიდატს განიხილავდნენ კლერ სლოუნის როლზე, თუმცა მოგვიანებით ფილმში ნიკოლ კიდმანმა ითამაშა.

როგორც აღმოჩნდა კიდმანს ამ ფილმში თამაში ჯულია რობერტსმა სთხოვა.

"როლს უყოყმანოდ დავთანხმდი. ერთ დღეს მეილზე ჯულიას წერილი დამხვდა, რომელშიც ეწერა - "ნიკოლ, ითამაშებ ჩემთან ერთად?" იმდენად მინდოდა მასთან ერთად გადასაღებ მოედანზე მოხვედრა, რომ აგენტებისთვისაც კი არ მიკითხავს არაფერი და მივწერე, რომ ჩემთვის დიდი პატივი იქნებოდა", იხსენებს ნიკოლ კიდმანი.

მოგვიანებით მსახიობმა ისიც აღნიშნა, რომ ის და ჯულია დიდი ხნის მეგობრები არიან და გამომდინარე იქიდან, რომ ხშირად სტუმრობს მალიბუს, რობერტსთან სტუმრობაც ხშირად უწევს, ხშირად ასეირნებენ შვილებს ერთად და ბევრს ჭორაობენ.