რეჟისორმა მიშელ მორგანმა, Apple-ის თხოვნით, iPhone-ით მოკლემეტრაჟიანი ფილმი გადაიღო.

11 წუთიანი მოკლემეტრაჟიან ფილმს Détour ჰქვია და მისი მთავარი პერსონაჟი, არც მეტი, არც ნაკლები, სამბორბლიანი ველოსიპედია.

ოჯახი სამოგზაუროდ მიდის, უმცროსი შვილი კი თავისი ველოსიპედის გარეშე წასვლას არ აპირებს. რა თქმა უნდა, მშობლები უარს არ ამბობენ და მის სამბორბლიან მეგობარს ფურგონზე დაამაგრებენ, თუმცა სამწუხაროდ ის ჩამოვარდება. ასე იწყება დიდი თავგადასავალი - ველოსიპედი გადაწყვეტს საკუთარ პატრონს დაუბრუნდეს და ამისთვის უამრავი დაბრკოლების გადალახვა უწევს, თუმცა ყველაფერი ისეთი მარტივი არ არის, როგორც შეიძლება თქვენ გეგონოთ.