მოკლედ: მოსამართლე ბადრი კოჭლამაზიშვილმა სააკაშვილს მიუთითა, ესაუბრა მხოლოდ საქმესთან დაკავშირებულ მოსაზრებებზე, რაზეც სააკაშვილმა თქვა, რომ საქმესთან შემხებლობაშია ყველაფერი, რაზეც საუბრობს.

  • ამის შემდეგ სააკაშვილმა პოლიტიკურ ხედვებზეც ისაუბრა, მოსამართლემ კი მისი ჩართვა გათიშა.
  • მოსამართლის გადაწყვეტილებას სააკაშვილის მხარდამჭერების უკმაყოფილება, შეძახილები და დარბაზის დატოვება მოჰყვა.

რას განიხილავს სასამართლო:

  • ე.წ. პიჯაკების საქმეს, დიდი ოდენობით საბიუჯეტო თანხების ჯგუფურად გაფლანგვის შესახებ.

რა თქვა სააკაშვილმა: რუსებმა, პრეზიდენტობის დროს მიუთითეს, ვალერი ხაბურძანია დაენიშნა უშიშროების მინისტრად:

  • "ასეთ შემთხვევაში, ხელს არ დამაკარებდნენ. მერე ამათ [ქართული ოცნება] დანიშნეს ფარცხალაძე პროკურორად და მშვენივრად მონახეს საერთო ენა", — თქვა მესამე პრეზიდენტმა.
  • სააკაშვილი იმავეზე საუბრობდა სასამართლოსთან სექტემბერშიც, მაშინ აღნიშნა, რომ ამის გამო მოუვიდა პუტინთან "პირველი დატაკება".

პოლიტიკური განცხადებები: მიხეილ სააკაშვილი ამბობს, რომ

  • იმპიჩმენტის თემა "შემოგდებული იყო", რადგან, მიზანი იყო, ხალხის, ოპოზიციისა და მედიის ყურადღება ამ თემაზე გადაეტანათ ორი-სამი კვირით, "ახლა კი ოპოზიციას ალაპარაკებენ, სხვა ოპოზიციონერებს არ უნდათ ევროკავშირის სტატუსიო."
  • მესამე პრეზიდენტის თქმით, ახლა, ევროკავშირის სტატუსის საკითხს პრობლემას სხვა ოპოზიციონერები კი არ უქმნიან, არამედ ის, რომ "ქვეყანაში არის ოლიგარქია, ყარს და არის კორუფცია. ევროკავშირს ცხვირზე ხელის აი ასე მოჭერა უწევს, სიმყრალის არ შემჩნევა და ასე მოცემა სტატუსის", — თქვა სააკაშვილმა.
  • ისაუბრა რუსეთში არსებულ ვითარებაზე, რომ "წკიპზეა რუსეთი" და "მალე ჩამოიშლება".

  • სააკაშვილმა, ინიციატივით მიმართა საზოგადოებას სამოქალაქო თავდაცვისთვის ცხელი ხაზის შესახებ, "სადაც ხალხი დაგვირეკავს და შეგვატყობინებს", — ამბობს ის.

  • "[...] ჩემი ინფორმაციით, არიან დივერსიული ჯგუფი შემოსული, რომელსაც არეულობის პირობებში ხელისუფლების ხელში აღება და დესტაბილიზაცია ევალებათ, ამიტომ ჩვენ უნდა დავაკვირდეთ ყველა საეჭვო მოძრაობას, ყველა საეჭვო აღნაგობის პირს, რომელიც ამ ხალხს შორისაა", — განაცხადა სააკაშვილმა.