ისრაელის თავდაცვის ძალების (IDF) ინფორმაციით, გასულ ღამეს, ღაზაზე ავიადარტყმის შედეგად ჰამასის ერთ-ერთი მეთაური მოკლეს.

  • მათი თქმით, დასავლეთ ხან-იუნისის ბატალიონის მეთაური, მადჰატ მუბაშერი მონაწილეობდა სნაიპერების თავდასხმებში და პასუხისმგებელი იყო ისრაელის ჯარისა და ქალაქების წინააღმდეგ ასაფეთქებელი მოწყობილობების გამოყენებაში.
  • IDF-ის ინფორმაციით, გუშინ ჰამასის 250-ზე მეტ ობიექტზე მიიტანეს იერიში, მათ შორის ჰამასის გვირაბებზე.

მანამდე, ისრაელის არმიამ ჰამასის კიდევ ერთი ლიდერის მოკვლის შესახებ განაცხადა.

  • მათი თქმით, შადი ბარუდი 7 ოქტომბრის თავდასხმების დაგეგმვაში იღებდა მონაწილეობას და ის ჰამასის დაზვერვის უფროსის მოადგილე იყო.

ჰამასის თავდასხმას ისრაელში 1400-ზე მეტი ადამიანი ემსხვერპლა. ისრაელის ინფორმაციით, დაჯგუფებას ღაზის სექტორში ტყვედ ჰყავს 220-ზე მეტი ადამიანი.

  • პალესტინის ჯანდაცვის სამინისტროს ინფორმაციით, 7 ოქტომბრის შემდეგ ღაზის სექტორში 7000-ზე მეტი ადამიანი დაიღუპა.