ტექნოლოგიური ღონისძიებები ქვეყნის ინტელექტუალური და ტექნოლოგიური პროგრესის და კეთილდღეობის საწინდარია. თი­ბი­სის კი ამ მნიშვნელოვან საქ­მე­ში მნიშ­ვნე­ლო­ვანი წვლილი შეაქვს. უკვე წლებია, რაც ის ქვეყნის მასშტაბით ეჯაილის საკითხების შესახებ ცნობიერების ამაღლების და მათი მნიშვნელობის ხაზგასმის მიზნით სხვადასხვა პროექტს ახორციელებს.

საქართველოში პირველი Agile სამიტის ორგანიზების შემდეგ Agile Mentor განსაკუთრებული ამბისთვის ემზადება. თიბისის მხარდაჭერით 31 ოქტომბერს რესპუბლიკაში ეჯაილის მასშტაბური საერთაშორისო ტექნოლოგიური ღონისძიება Agile Summit გაიმართება და AgileXchange Vol.2-ის მთავარი გამომსვლელი, ეჯაილ მანიფესტოს თანაავტორი, დოქტორ ალისტერ ქობერნი იქნება.

ალისტერ ქობერნის შესახებ

ღონისძიების მთავარი სპიკერი, დოქტორი ალისტერ ქობერნი 2020 წელს ყველა დროის 42 უდიდეს სოფთვეარ პროფესიონალს შორის დასახელდა, როგორც მსოფლიო დონის ექსპერტი მეთოდოლოგიებში, პროექტების მენეჯმენტში, სოფთვეარ არქიტექტურაში, ე.წ. use case-ებსა და ეჯაილ დეველოპმენტში. იგი არის ეჯაილ მანიფესტოსა და პროექტების მენეჯმენტის ურთიერთდამოკიდებულების დეკლარაციის თანაავტორი. 2015 წლიდან ალისტერ ქობერნი მუშაობს ეჯაილის გავრცელებაზე ყველა სახის ინიციატივების დასაფარად, მათ შორის, სოციალურ და სამთავრობო პროექტებსა თუ ოჯახებში.

ღონისძიების მთავარი აქცენტია Heart of Agile — თუ როგორ შეიძლება ეჯაილ იდეები და ტექნიკები მოვარგოთ ნებისმიერი სახის ინიციატივებსა თუ ინდუსტრიებს და არამხოლოდ სოფთვეარ დეველოპმენტს.

ალისტერ ქობერნი აღწერს ეჯაილის გულს, როგორც უმარტივესი ქმედებების ერთობლიობას, რომელსაც შეუძლია მნიშვნელოვანი განსხვავება მოგვიტანოს სამუშაო პროცესში. ეს ყოველივე მოიცავს 4 ძირითად ქმედებას: კოლაბორაცია (Collaborate), მიწოდება (Deliver), რეფლექსია (Reflect), გაუმჯობესება (Improve).

"თიბისისთვის, როგორც ტექნოლოგიური კომპანიისთვის მნიშვნელოვანია ეჯაილ პროცესების და მასზე ცნობიერების ამაღლების ღონისძიებების მხარდაჭერა. სამიტების კულტურა ძალიან კარგი შესაძლებლობაა რეალური პრაქტიკების გაზიარებისთვის და კოლეგებთან შეხვედრისთვის, რათა ჩვენი ორგანიზაციების ყოველდღიურობას დროებით ჩამოვშორდეთ, დავინახოთ სხვების გამოწვევები და სამუშაო გარემოში დაბრუნებისას გაცილებით უფრო რაციონალურად დავაკვირდეთ ჩვენს სამუშაო მიდგომებს.

ღონისძიების განმავლობაში მონაწილეებს გავუზიარებთ თიბისის გამოცდილებას ეჯაილ ტრანსფორმაციასთან დაკავშირებით, რა მიღწევები და გამოწვევები ახლავს ამ პროცესს. ასევე ყურადღებას გავამახვილებთ ეჯაილ მიდგომების დანერგვის პრაქტიკებზე არატექნოლოგიურ მიმართულებებში, რაც ერთგვარი სიახლეა ქართულ რეალობაში", — ამბობს თიბისის ეჯაილ მწვრთნელი და ჯგუფის ლიდერი, გუკა კიტია, რომელიც თიბისის გუნდიდან სპიკერის რანგში მიიღებს მონაწილეობას კონფერენციაზე.

2-საათიანი ღონისძიების განმავლობაში დამსწრეებს შესაძლებლობა ექნებათ:

• კითხვები დაუსვან ეჯაილ მანიფესტოს თანაავტორს და მიიღონ მათთვის საინტერესო საკითხებზე პასუხები.
• მიიღონ მონაწილეობა ინტერაქციულ ვორქშოპში მოწვეულ ეჯაილ ექსპერტებთან ერთად.
• ჩაერთონ ნეთვორქინგში, გაიცნონ ეჯაილ პრაქტიკოსები და დაინტერესებული პროფესიონალები სხვადასხვა ინდუსტრიიდან, როგორიცაა საერთაშორისოდ ცნობილი ეჯაილ ექსპერტი ანტონ მარკი.

უნდა აღინიშნოს ისიც, რომ ღონისძიების დასკვნითი ნაწილი დაეთმობა პანელურ დისკუსიას, რომელზეც ქართული ტექნოლოგიური კომპანიები დანერგილ ეჯაილ გამოცდილებას გააზიარებენ.

"5 წლის წინ თიბისიმ დაიწყო მასშტაბური ეჯაილ ტრანსფორმაცია. მსგავსი ტიპის ღონისძიებები კი ხელს უწყობს სამუშაო კულტურების განვითარებას, პროფესიულ ზრდას ქვეყანაში და მეტი კავშირების არსებობას ეჯაილ ორგანიზაციებს შორის. ვფიქრობ, ეჯაილ მენტორის მიერ ორგანიზებული სამიტი საუკეთესო შესაძლებლობაა, სხვადასხვა სფეროში დასაქმებულ ტალანტებს გავუზიაროთ ეჯაილ მიდგომის ფუნდამენტური საკითხები, რათა გავზარდოთ ცნობიერება ქვეყანაში ამ მიმართულებით და ხელი შევუწყოთ დასაქმების ბაზარზე პოზიტიურ ცვლილებებს", — ამბობს გუკა კიტია.

დამატებითი ინფორმაციისთვის და ღონისძიებაზე რეგისტრაციისთვის, ეწვიეთ ბმულს.

ღონისძიების მხარდამჭერები არიან ისეთი კომპანიები, როგორებიცაა: TBC, Lineate, Apeople, GPI Holding, PSP.

პარტნიორები კი — GITA, HRPA, Dev.ge, EduTech, EPAM, Tallium Digital.