ახალი სეზონი პირველი ოქტომბრიდან — რა გელოდებათ ევროპოპის არხზე
- ევროპოპის YouTube არხზე პირველი ოქტომბრიდან ახალი სეზონი იწყება;
- გასვლითი შეხვედრები, განახლებული მაგიდის დერბი და ბევრი სიახლე გელით.
პირველი ოქტომბრიდან ევროპოპის YouTube არხზე ახალი სეზონი იწყება და გაგრძელდება იქიდან, სადაც გასული სეზონი დასრულდა, მაგრამ ბევრი სიახლით. ამ სტატიიდან გაიგებთ, რას უნდა ელოდნენ არხის გამომწერები, რომელთა რაოდენობამ 42 ათასს გადააჭარბა.
განახლებული მაგიდის დერბი
მეტი მონაწილე, მეტი პრიზი, მეტი თამაში და განახლებული სისტემა — ევროპოპის მკითხველებს და YouTube არხის გამომწერებს პირველი ოქტომბრიდან მაგიდის დერბის ახალი სეზონი გელოდებათ. წინა სეზონის ბოლოს მინი-ჩემპიონატის ჩატარებამ გაამართლა. მოლოდინს გადააჭარბა როგორც მაყურებლების ინტერესმა და ჩართულობამ, ისე მონაწილეების აზარტმა და კმაყოფილებამ. ამიტომ გადაწყდა, რომ ახალ სეზონში, მაგიდის დერბი კიდევ უფრო მასშტაბური გამხდარიყო. თამაში, რომელმაც პოპულარობა სწრაფად მოიპოვა, დიდ ტურნირად იქცა და კარგი პრიზებიც დაწესდა.
ახალ სეზონში მაგიდის დერბი 2 ფაზად ჩატარდება. თითოეულ ფაზას 8-8 მონაწილე ეყოლება, რომლებიც პლეი ოფის სისტემით მივლენ ფინალამდე. პირველი ფაზა ახალ წლამდე დასრულდება, მეორე კი ახალი წლის შემდეგ გაიმართება. ევროპოპის სტუდიას ორივე ტურნირის გამარჯვებული ვესპას ახალი სკუტერით დატოვებს. მერე კი გველოდება სუპერფინალი გამარჯვებულებს შორის, რომლის ტრიუმფატორიც ევროპის საფეხბურთო ჩემპიონატის 2-კაციან საგზურს მოიგებს და ძალიან დიდი იმედი გვაქვს, რომ იქ საქართველოს ნაკრების თამაშს დაესწრება.
პირველი ტურნირის პირველი თამაში ევროპოპის YouTube არხზე 1 ოქტომბერს დაიდება და სწორედ ამ ვიდეოთი გაიხსნება ახალი სეზონი. წილისყრის და მონაწილეების შესახებ ვრცლად წაიკითხეთ აქ.
გასვლითი შეხვედრა
ვიცით, რომ ყველაზე მეტად გასვლითი შეხვედრის გეგმები გაინტერესებთ: დიახ, გასვლითი შეხვედრის სერიები აუცილებლად გაგრძელდება. ევროპოპის გამომწერები ყველაზე მეტად სწორედ ამ რუბრიკის ახალ ეპიზოდებს ელოდებით ხოლმე და გეტყვით, რომ ახალი გადაცემების გადაღება ოქტომბერშია დაგეგმილი. ვისთან ჩავლენ წამყვანები და რა სერიები გელით, ამის შესახებ ძალიან მალე, ევროპოპის სოციალური ქსელებიდან შეიტყობთ.
"პირველი სერია ზუსტად შარშან ამ დროს გავიდა. ერთი წლის შემდეგ მესამე სეზონს რომ ვიწყებთ, შარშან ამის პროგნოზირება ადვილი არ იყო. ჩემთვის ეს ისეთი პროექტი გამოდგა, ოცნების ახდენა რომ შეიძლება ეწოდოს. ცხოვრებაში ყველაზე მეტად რაც მისწორდება, ეს პირველ რიგში მოგზაურობაა — საინტერესო ადგილების ნახვა და ჩემთვის საინტერესო ადამიანებთან ჩემს საყვარელ თემებზე საუბარი. ეს რომ ჩემი სამსახური გახდა, ცხადია, ძალიან მახარებს.
ასევე მიხარია ისიც, რომ ზაფხულის სატრანსფერო პერიოდის შემდეგ პოტენციურ მოსანახულებელ ადგილებს რამდენიმე საინტერესო მიმართულება დაემატა. მართალია, ჯერ ვერავინ ათამაშდა ისე, როგორც მინდა და გამიხარდება საიმისოდ, რომ იქ დავადგეთ, მაგრამ ადრე თუ გვიან ათამაშდებიან და აუცილებლად წავალთ ყველგან. კრემონა, სპეცია… ძალიან მინდა ამსტერდამში დაბრუნებაც. წინა სეზონის ბოლოს, ამსტერდამში შოთა არველაძესთან ერთად რომ ვიყავით, ვერ ვიფიქრებდი, რომ ნიდერლანდების დედაქალაქში მალე დაბრუნების შანსი გაჩნდებოდა და თანაც, ისევ ქართველი თავდამსხმელის, ახლა უკვე აიაქსის მოქმედი ფეხბურთელის გამო. შოთასთან პირველ ეპიზოდში ვთქვი, სამწუხაროა, რომ ინგლისში ახლა არცერთი ქართველი არ თამაშობს-მეთქი და ესეც შეიცვალა — ჩაკვეტაძე უოტფორდში გადავიდა. იმედია, გადაწყვეტს, რომ დამელაპარაკოს.
ვიღაცებს ალბათ ვერ ვნახავთ, ვიღაცებს არ ვნახავთ — ჩვენ, როგორც წესი, ადამიანებთან ჩავდივართ და არა მათ სტატისტიკურ მონაგართან. მოკლედ, ევროპოპის გამომწერებს ვპირდები, რომ ბევრი საინტერესო ადამიანის "გაძრობას" შევეცდებით ამ სეზონში. პლუს ამას, რაოდენ ბანალურადაც არ უნდა ჟღერდეს, გვაქვს რამდენიმე საინტერესო სიახლე და ახალი ადამიანებიც გვეყოლებიან პროექტში", — ამბობს ლევან ღვინიანიძე, გასვლითი შეხვედრის წამყვანი.
სხვა რუბრიკები
თვეში ორჯერ დაიდება თამაშის თეორიის ახალი ეპიზოდები, რომლის შემადგენლობაშიც ცვლილებაა: წამყვანის პოზიციაზე რეზი ხუნწელიას გიორგი კაკაბაძე ჩაანაცვლებს, რომელიც ტატო ბაციკაძესთან და სტუმრებთან ერთად სხვადასხვა ეპოქის საინტერესო გუნდების თუ კონტროვერსული სიების შედგენით იქნება დაკავებული, რეზი კი პროდიუსერის სკამიდან გადაცემის შინაარსზე განაგრძობს ზრუნვას.
"გასული სეზონი, რომელიც ოქტოპუსის და ევროპოპის თანამშრომლობის პირველი წელი იყო, ვფიქრობ, საკმაოდ ნაყოფიერი და საინტერესო გამოვიდა. დავიწყეთ არაერთი პროექტი, რომელთა კეთებაც ჩვენთვისაც ძალიან სასიამოვნო იყო და მაყურებლის მხრიდანაც საკმაოდ დადებითი გამოხმაურება მივიღეთ. ახალ სეზონში, ბუნებრივია, იგივე გადაცემების გაგრძელებას ვაპირებთ, მაგრამ მიღწეულზე გაჩერება ნამდვილად არ გვსურს, უფრო მეტი გვინდა და მეტი გვინდა ჩვენი მაყურებლისთვის, რომელთა რაოდენობაც ყოველდღიურად იზრდება. არაერთი კარგი გეგმები გვაქვს, რომლებსაც ნელ-ნელა განვახორციელებთ და ჩვენ მაყურებელს კიდევ უფრო საინტერესო პროექტებს შევთავაზებთ", — აღნიშნავს ტატო ბაციკაძე, europop live-ისა და თამაშის თეორიის წამყვანი.
გაიმეორე პენალტის სერიები თბილისის ლოკომოტივის საგურამოს ბაზაზე გაგრძელდება. europop live-ის სტუდიიდან კვლავ იმუშავებენ კალა და ტატო — ჩემპიონთა ლიგის და საქართველოს ნაკრების მატჩების შემდეგ არხი ყოველთვის პირდაპირ ეთერში იქნება. ასევე, გელოდებათ ტრადიციული რუბრიკები — უპასუხე თუ შეგიძლია და რა დამაქვს დარბაზში. გარდა ამისა, კვლავ პირდაპირ ეთერში იქნება GFC-ის შოუების რეპორტაჟებიც. ყოველ ხუთშაბათს ეთერში იქნება პოპულარული #ფუპოდკასტიც.
"პირველ რიგში, უდიდესი მადლობა ჩვენა გამომწერებს. მათი აქტიურობა და ჩართულობა ჩვენთვის მთავარი მოტივატორია. ახალ სეზონს ახალი შემართებით ვიწყებთ. მაგიდის დერბის ინტერესმა და გამოხმაურებამ გადაგვაწყვეტინა, რომ ამ სეზონში თამაში უფრო სახალისო და მასშტაბური ყოფილიყო. დავამატეთ კიდევ ერთი რაუნდი და ოდნავ შევცვალეთ წესები. ამ თამაშში მონაწილეებს აერთიანებთ ორი რამ: ფეხბურთის უზომო სიყვარული და ამ სპორტის შესანიშნავი ცოდნა. რა თქმა უნდა, დარჩება ჩვენი რუბრიკები — უპასუხე თუ შეგიძლია, ჩემი არგუმენტი და რა დამაქვს დარბაზში, ოღონდ შეიძლება იმდენი აღარ, რამდენიც აქამდე იყო. შევეცდებით, საზღვარგარეთ მოასპარეზე და საქართველოში დროებით ჩამოსული სპორტსმენები, ასევე აქტუალური და საინტერესო ადამიანები ყოველთვის მოვიწვიოთ და თქვენთვის საინტერესო კითხვები დავუსვათ", — ამბობს დავით ველიჯანაშვილი.
დაელოდეთ ახალ სეზონს და თუ ევროპოპის არხი ჯერ კიდევ არ აქვთ გამოწერილი, გამოიწერეთ, რომ არაფერი გამოგრჩეთ.
-
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვარუსული კანონის მეორე საკომიტეტო მოსმენა 29 აპრილს დაინიშნა რუსული კანონის მეორე საკომიტეტო მოსმენა 29 აპრილს დაინიშნა
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
კომენტარები