უკანასკნელ წლებში ტექნოლოგიები უფრო და უფრო სწრაფად ვითარდება, ხოლო ის, ვინც ამ ინდუსტრიაში მუშაობს, კონკურენტუნარიანობას ინარჩუნებს მხოლოდ მაშინ, თუ ფეხდაფეხ მიჰყვება ამ ტრანსფორმაციას, ეცნობა ტენდენციებს და ეძებს ახალ ცოდნას. საბედნიეროდ, ასეთი ტექ-ენთუზიასტებისთვის არსებობს ღონისძიება DevFest, რომელიც საქართველოში უკვე მეათედ იმართება და თავს უყრის ტექნოლოგიური დარგის პროფესიონალებს და ხელს უწყობს ახალი კავშირების დამყარებასა და ინფორმაციის გაცვლას.

DevFest ღონისძიებების გლობალური სერიაა, რომელსაც მსოფლიოს სხვადასხვა წერტილში გუგლის დეველოპერთა ჯგუფები (GDGs) მართავენ. საქართველოში წელს მას GDG Tbilisi და GDG Kutaisi უწევს ორგანიზებას, გენერალური სპონსორები კი საქართველოს ბანკი და Google არიან.

ტექნიკური სესიები, ვორქშოპები, შემეცნებითი და გასართობი აქტივობები — საიუბილეო DevFest-ის სტუმრებს ამჯერადაც საინტერესო შეხვედრები ელით. ღონისძიებას 1 ოქტომბერს, 09:30-18:00 საათზე, თბილისის თავისუფალი უნივერსიტეტი უმასპინძლებს. ამ ბლოგში კი, იმ მიზეზების შესახებ წაიკითხავთ, რის გამოც DevFest Georgia 2023-ს უნდა დაესწროთ.

გაიცნობთ ტექ ლიდერებს და მათ გამოცდილებას

DevFest საუკეთესო ადგილია ტექნოლოგიური ინდუსტრიის წამყვანი ფიგურების გასაცნობად. სპიკერები, რომლებიც სხვადასხვა თემატიკაზე ჩაატარებენ სესიებს, მზად იქნებიან სასარგებლო ინფორმაციისა და პერსონალური გამოცდილების გასაზიარებლად. წლევანდელ ღონისძიებაზე სპიკერებს შორის იქნებიან ისეთი საერთაშორისო და ადგილობრივი კომპანიების წარმომადგენლები, როგორებიცაა Intel Corporations, EPAM, NordVPN, საქართველოს ბანკი და სხვები. ასე რომ, არ გამოტოვოთ უნიკალური შანსი — დაესწარით სესიებს, დაუსვით შეკითხვები დარგის ექსპერტებს და მიიღეთ რჩევები, რომლებიც თქვენს კარიერასა და პროექტებს ახალ საფეხურზე აიყვანს.

მონაწილეობას მიიღებთ ვორქშოპებში

DevFest ორ მიმართულებას მოიცავს. პირველი, როგორც აღვნიშნეთ, გლობალური ტექ-ლიდერების მიერ გამართული საინფორმაციო სესიებია, მეორე კი პრაქტიკული ვორქშოპებია, სადაც დამსწრეები ტექნიკურ დავალებებს ასრულებენ, ეზიარებიან ახალ ცოდნას, იღებენ ხელშესახებ გამოცდილებას და სიმბოლურ საჩუქრებს. არ აქვს მნიშვნელობა, ვებ ან მობაილ აპლიკაციაზე მუშაობთ, ექსპერიმენტებს ატარებთ მანქანური დასწავლის მოდელებთან, თუ ახალ პროგრამულ ენას ეუფლებით — ეს ვორქშოპები ტექნოლოგიური უნარების განმტკიცებისთვის იდეალური შანსია. თვალი ადევნეთ ჩვენ შემდეგ ბლოგებს და დარეგისტრირდით ვორქშოფებზე პირველი.

აღმოაჩენთ ახალ ხელსაწყოებსა და ტექნოლოგიებს

ცვალებად ინდუსტრიაში მუდმივად იხვეწება ხელსაწყოები და პროგრამები. DevFest კი უნიკალური პლატფორმაა ამ ინოვაციების აღმოსაჩენად და სასწავლად. აქ ეცნობით პროგრამული უზრუნველყოფის უახლეს ჩარჩოებს, პროგრამულ ენებს და დეველოპერულ ხელსაწყოებს. ასე რომ, თუ გსურთ აჰყვეთ განვითარების სწრაფ ტემპებს და კონკურენტუნარიან ბაზარზე შეინარჩუნოთ პოზიციები, ეს ღონისძიება თქვენთვისაა.

დაამყარებთ ახალ კავშირებს

DevFest ის ადგილია, სადაც თანამოაზრეებს იპოვით. ტექ-ენთუზიასტები, დეველოპერები, დიზაინერები, ანტრეპრენერები სწორედ ასეთ ღონისძიებებზე ერთიანდებიან და დიდ საზოგადოებას ქმნიან. აქ გაქვთ შესაძლებლობა, ჩაერთოთ შინაარსობრივ დისკუსიებში, გაცვალოთ იდეები და ზოგ შემთხვევაში — თქვენი პროექტებისთვის პოტენციური კოლაბორაციებიც მოიძიოთ. ძლიერი პროფესიული ქსელი ახალი შესაძლებლობებისკენ გაგიხსნით კარს, ახალ პერსპექტივებს დაგანახვებთ და გაპოვნინებთ უნიკალურ პროექტებს, მენტორებსა და პარტნიორებს. გარდა ამისა შეგიძლიათ გახდეთ Google Developer Groups-ის მოხალისე, გაიგოთ მეტი მათ შესახებ და ჩაერთოთ მათ შემდეგ აქტივობებში

წლევანდელ ღონისძიებაზე დაგხვდებათ:

• მთავარი სცენა ტექნიკური სესიებისთვის;
• პროდუქტების, პროექტებისა და ქომუნითის სცენა ტექნოლოგიების სფეროს არატექნიკური სესიებისთვის;
• ვორქშოფების სივრცე პრაქტიკული სესიებისთვის;
• საგამოფენო სივრცე შემეცნებითი და გასართობი აქტივობებისთვის.

Google-ის ინიციატივით და მხარდაჭერით DevFest მთელ მსოფლიოში 2010 წლიდან იმართება. იგი ყოველწლიურად 300 000-ზე მეტ სტუმარს მასპინძლობს. საქართველო კი წელს უკვე მეათედ უერთდება ტექნოლოგიების გლობალურ ფესტივალს. ღონისძიებაზე დასწრება უფასოა. მონაწილეობისთვის შეავსეთ სარეგისტრაციო ფორმა 30 სექტემბრამდე და დააგროვეთ დაუვიწყარი მოგონებები ტექნოლოგიური სფეროს პროფესიონალებთან ერთად.