ენდრიუ ჰეის ახალ ფილმს, სახელად All of Us Strangers-ს, მაყურებელი მალე იხილავს. ფილმში ორი მთავარი პერსონაჟი კაცის ცხოვრებისა და ერთმანეთთან სასიყვარულო ურთიერთობის დაწყების ისტორიას ვიხილავთ. All of Us Strangers-ში მთავარ როლებს პოლ მესკალი და ენდრიუ სკოტი ასრულებენ.

All of Us Strangers-ის პირველი ტრეილერი უკვე გამოვიდა, რომელშიც ვხედავთ, თუ როგორ ეცნობიან ერთმანეთს ენდრიუსა და პოლის პერსონაჟები. ტრეილერიდან გამომდინარე, ფილმში წარსულის გახსენებასა და მოგონებებზე დიდი აქცენტი კეთდება. ასე რომ, საინტერესო თავგადასავალთან ერთად მაყურებელს მისტიკაც ელის.

ფილმი იაპონელი მწერლის, ტაიჩი იამადას, 1987 წლის ფსიქოლოგიურ რომან Strangers-ს ეფუძნება. ფილმის პირველი ჩვენება Telluride Film Festival-ზე უკვე შედგა და მაყურებლების დიდი მოწონებაც დაიმსახურა.

All of Us Strangers-ის მსოფლიო პრემიერა 22 დეკემბერს იგეგმება.

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...