გასულ თვეს გაკეთდა განცხადება, რომ ბრიტანეთის მთავრობა ამოუცნობ მფრინავ ობიექტებზე (ამო) საიდუმლო ფაილების გასაჯაროებას აპირებდა. ახლა 18 ფაილიდან 15 ხელმისაწვდომია. თუმცა, ისინი ციფრულად არ მოიპოვება, ამიტომ, თუ მათი ნახვა გსურთ, ბრიტანეთის ეროვნულ არქივებს უნდა ეწვიოთ ლონდონში.

ციფრული ასლების არარსებობამ შეთქმულების თეორიის მომხრეებს შორის აღტაცება გამოიწვია. ასლები თავდაცვის სამინისტრომ გაასაჯაროვა.

„ამოს შესახებ შემოსული არც ერთი განცხადება [თავდაცვის სამინისტროში] არ ადასტურებს უცხო ცივილიზაციების არსებობას და არ წარმოადგენს სამხედრო საფრთხეს ბრიტანეთისთვის. თავდაცვის სამინისტროს ჩანაწერებიდან, ანალიზიდან ან გამოძიებიდან გამომდინარე, რომელიც ამო-ს დაფიქსირების ფაქტებს ეხებოდა, არ არსებობს თავდაცვის არანაირი საჭიროება", განუცხადა კარლ მენტელმა (RAF's Air Command) თავდაცვის სამინისტროს 2009 წლის ერთ-ერთ ბრიფინგზე.

ფაილების უმეტესობა 2013 წელს გამოქვეყნდა ეროვნულ არქივებში და მათი მოძიება აქედან შეგიძლიათ. 2014 წელს, თავდაცვის სამინისტრომ აღიარა, რომ 18 დოკუმენტი არ გამოაქვეყნა, რადგან ისინი ისეთ ინფორმაციას შეიცავდა, რომელთა გამჟღავნებაც საჯაროდ არ უნდოდათ. მოსალოდნელი იყო, რომ ფაილებს ხელახლა გადახედავდნენ, სანამ ისინი „ინფორმაციის თავისუფლების აქტის" საფუძველზე პუბლიკისთვის ხელმისაწვდომი გახდებოდა.

ამ ახალი ფაილების გამოქვეყნებამ ცერემონიის გარეშე ჩაიარა, რის გამოც თავდაცვის სამინისტრო იმ ფაილების დამალვაში დაადანაშაულეს, რომელიც ნებისმიერ დროს ნებისმიერი პირისთვისაა ხელმისაწვდომი. ცხადია, თუ თავდაცვის სამინისტრომ რამე აღმოაჩინა და მისი დამალვა უნდა, ის ხალხის ყურადღებას იმ ფაილებისკენ მიმართავდა, რომლებიც მწვანე კაცუნების არსებობის შესახებ არანაირ მტკიცებულებას არ შეიცავს.

გამოქვეყნებული 851 განცხადებიდან, მხოლოდ რამდენიმეა საინტერესო.

ძირითადად, ხალხი ცაში დანახულ თეთრ, ნარინჯისფერ და წითელი შუქებსა და მათ მოძრაობას აღწერს.