საერთაშორისო გამჭვირვალობა - საქართველოს ხელმძღვანელმა, ეკა გიგაურმა გადაცემა არჩევანის ეთერში განაცხადა, რომ თუკი სააპელაციო სასამართლო "უსამართლო" გადაწყვეტილებას გამოიტანს, ეს გავლენას იქონიებს წინასაარჩევნო გარემოზე. მისივე განცხადებით, ამ შემთხვევაში, ეს საკითხი საერთაშორისო პარტნიორების მხრიდან, ძალიან მწვავე შეფასების საგანი იქნება".

"ცხადია, ეს რომ ყოფილიყო ისეთი პროცესი, რომლის მიმართაც კითხვის ნიშნები არ იქნებოდა, მაინც მწვავე განხილვის საგანი იქნებოდა, მაგრამ ახლა როცა ჩვენ ვხედავთ რომ ამდენი პრობლემა იყო, ცხადია, აქ ბევრი კითხვის ნიშანი დაისმება და ეს იქნება განხილული პოლიტიკურ კონტექსტში".

გიგაურის თქმით, რუსთავი 2-ის საქმე საერთო კონტექსტში უნდა განიხილებოდეს და ასევე, უნდა განიხილებოდეს ისიც, რომ ამ გადაწყვეტილებას სასამართლო წინასაარჩევნო პერიოდში მიიღებს.