თბილისის მერია აცხადებს რომ ტრანსპორტის სამსახურის მობილურმა ჯგუფებმა მიკროავტობუსებში კონდიცირების მონიტორინგის მიზნით 35 მარშრუტი შეამოწმეს.

მათი ინფორმაციით, ამ ეტაპზე გამოვლენილია, რომ გაგრილების სისტემები ჩართულია მიკროავტობუსების 20 პროცენტში.

მერიის განცხადებით, მონიტორინგის ჯგუფები კომპანიას რეაგირებისთვის გადასცემენ იმ მიკროავტობუსების სიას, რომლებსაც მგზავრების გადაყვანისას კონდიციონერები გამორთული ექნებათ. მათივე თქმით, კომპანია თბილისის მერიასთან თანამშრომლობის მზადყოფნას გამოთქვამს.

პირველი ივლისიდან მძღოლები ვალდებულები არიან კონდიციონერი ჩართონ.