არქეოლოგებმა ქალაქ მეხიკოში ჩატარებული გათხრების შედეგად მნიშვნელოვანი აღმოჩენა გააკეთეს. როგორც Reuters იტყობინება, მკვლევრებმა Templo Mayor-ის ტერიტორიაზე, აცტეკების უძველესი ტაძრის მახლობლად, 650 თავის ქალისგან აგებული კოშკი აღმოაჩინეს.

ექსპერტების მოსაზრებით, ამ თავის ქალების უმეტესობა ქალებსა და ბავშვებს ეკუთვნოდათ. ისინი ვარაუდობენ, რომ ეს ნაგებობა ცნობილი Huey Tzompantli-ის ერთ-ერთი ნაწილია. აცტეკები თავის ქალებისგან უზარმაზარ ნაგებობებს აგებდნენ და ამ ხერხით ესპანელი დამპყრობლების შეშინებას ცდილობდნენ.

ნაგებობა, როგორც წესი, ომში დაღუპული მამაკაცების თავის ქალებისგან მზადდებოდა, თუმცა ამ აღმოჩენამ მსხვერპლშეწირვის რიტუალების შესახებ კითხვები გააჩინა.

"აქ ისეთი რამ ხდება, რის შესახებაც ჩანაწერები არ მოგვეპოვება. ეს კი რაღაც ძალიან ახალია. პირველი Huey Tzompantli-ის ისტორიაში", ამბობს როდრიგო ბოლანოსი, ბიოლოგიური ანთროპოლოგი.

ადამიანების მსხვერპლშეწირვა აცტეკებსა და სხვა მესოამერიკულ კულტურებში რელიგიური პრაქტიკა იყო. ითვლებოდა, რომ ადამიანების ღმერთისთვის შეწირვა კაცობრიობის აყვავებისთვის აუცილებელი იყო.