ხაბეიშვილი შოვის სტიქიაზე: მოვამზადეთ ანგარიში, იკვეთება თანამდებობის პირების გულგრილობა

22 Aug. 2023, 13:08

ჩვენ მოვამზადეთ შუალედური ანგარიში, ამ 12 დღის განმავლობაში სრულად არის აღდგენილი 3 აგვისტოს ტრაგედია და ქრონოლოგია. ამ შუალედური დასკვნითაც კი, სადაც ძალიან ბევრი ინფორმაციაა, სადაც ბევრი მტკიცებულებაა, იკვეთება კონკრეტული მაღალი თანამდებობის პირების გულგრილობა, რასაც შეეწირა საქართველოს მოქალაქეები, იკვეთება დაგვიანებული რეაგირება.

ჩვენდა სამწუხაროდ, პრემიერმინისტრი დაგვიანებით ახდენს რეაგირებას, მეტიც, 24 საათის შემდეგ ჩადის ადგილზე, ამიტომ საზოგადოებას სჭირდება კონკრეტულ კითხვებზე კონკრეტული პასუხი. [...]

ყველამ კარგად უნდა იცოდეს, მათ შორის, თავდაცვის მინისტრმა, რომელმაც დააგვიანა რეაგირება, ჯარის ჩაყვანა. ინფრასტრუქტურის მინისტრი, რომელიც იმ საღამოს, როდესაც ადამიანებს სჭირდებოდათ შველა, გვეპრანჭებოდა სხვადასხვა ოთახებიდან და ნაცვლად იმისა, რომ სამაშველო გადარჩენითი ოპერაცია ეწარმოებინათ, მთელი ღამის განმავლობაში მიატოვეს მოქალაქეები.

24-გვერდიან ანგარიშში, რომელიც არის ჯერ შუალედური და ცხადია ენმ ბოლომდე მიიყვანს ამ საგამოძიებო მოქმედებებს, იკვეთება კონკრეტული თანამდებობის პირების სისხლის სამართლის პასუხისმგებლობა და ეს ყველაფერი იწყება ირაკლი ღარიბაშვილისგან და ცხადია ეს დასკვნა საზოგადოებისთვის იქნება გზამკვლევი, თუ როგორ უნდა მოხდეს ამ ტრაგედიის გამოძიება.

ბოლო ამბები:

ლევან ხაბეიშვილი ხაბეიშვილი შოვის სტიქიაზე: მოვამზადეთ ანგარიში, იკვეთება თანამდებობის პირების გულგრილობა

კომენტარები

კვირის ტოპ-5

გირჩევთ

ახლა კითხულობენ

გრენლანდიაში მოულოდნელად აისბერგი გადატრიალდა — ნახეთ ვიდეო