USAID მხარს უჭერს შექმნას დინამიკური და კონკურენტუნარიანი ტექნოლოგიური სექტორი საქართველოში, რომელიც ახალ შესაძლებლობას გააჩენს ახალგაზრდებისთვის და ხელს შეუწყობს ტექ-ინდუსტრიაში ქალთა მონაწილეობის გაძლიერებას.

სოფო ჭყოიძე სწორედ USAID-ის პროექტ ქალები ტექნოლოგიებში მონაწილე და ამერიკული კომპანიის მიერ შესყიდული პირველი ქართული სტარტაპის — პულსარის (Pulsar AI) თანადამფუძნებელია, რომელიც ავტოინდუსტრიაში ხელოვნურ ინტელექტზე მუშაობს.

სოფო მე-12 კლასში FLEX-ის პროგრამით ამერიკაში გაემგზავრა და ერთი წლით როდ აილენდში სწავლობდა.

"ამერიკაში სწავლა ჩემთვის თანამედროვე განათლების სისტემის, კულტურის შეცნობისა და ბარიერების გადალახვის საუკეთესო შესაძლებლობა იყო", — ამბობს სოფო.

საქართველოში დაბრუნების შემდგომ ის ინოვაციური, ახალი პროდუქტის შექმნით დაინტერესდა. დღესდღეობით, სოფო მაგალითია სხვა ქალებისთვისაც, რომლებსაც სურვილი აქვთ კარიერა ტექ-ინდუსტრიას დაუკავშირონ.

ფოტო: USAID

სოფოსა და Pulsar AI-ის დახმარებით, USAID მხარს უჭერს საქართველოს გახდეს ცოდნისა და ინოვაციების ცენტრი.

"ჩემთვის ნამდვილი მეგობრობა კავშირია, რომელიც ნდობაზე, ღირებულებების პატივისცემაზე, ნაკლოვანებების გააზრებასა და საჭიროებისას მხარდაჭერაზეა დაფუძნებული, USAID სწორედ ასეთი პარტნიორია და ორგანიზაციის გვერდში დგომას ყველაზე ნათლად მაშინ ვგრძნობ, როცა ვხედავ, რომ ტექნოლოგიური კომპანიის წარმომადგენლების და მათი მხარდაჭერების კომუნა დღითიდღე იზრდება საქართველოში".