თიბისის ნაკრების მისაღებად ფილიალში მისვლა აღარაა საჭირო. მომხმარებელს უკვე შეუძლია თიბისის ციფრულ ბანკში გამოიწეროს სასურველი ნაკრები 2, 5 ან 10 და ფოსტის საშუალებით, ნებისმიერ მისამართზე მიიღოს 3 სამუშაო დღეში.

ამისთვის სულ რამდენიმე საფეხურიანი მარტივი პროცესის გავლაა საჭირო. ციფრულ ბანკში შეთავაზებების გვერდზე მომხმარებელს შეუძლია იპოვოს ნაკრების გამოწერის ღილაკი, გაეცნოს თითოეული პაკეტის პირობებს, აარჩიოს მისთვის სასურველი ბარათის ფერი, გაეცნოს ხელშეკრულებას, დაეთანხმოს წესებსა და პირობებს, ბოლოს კი მონიშნოს რომელ ფილიალში სურს მიიღოს ნაკრების ბარათები 1 სამუშაო დღეში ან ისარგებლოს ფოსტის მომსახურებით, მისთვის სასურველ მისამართზე, 3 სამუშაო დღეში.

მომხმარებელი ციფრულ ბანკშივე შეძლებს სასურველი ტარიფის გადახდის ვადების არჩევას.

თიბისის ნაკრები საბანკო პროდუქტებისა და სერვისების ერთობლიობაა, რომელიც გამარტივებულ გამოწერის სისტემას სთავაზობს მომხმარებელს და მის ყოველდღიურ საბანკო საჭიროებებს შეესაბამება. თითოეული ნაკრები ყოველთვიური საკომისიოს და ერთი ხელშეკრულების ქვეშ ერთიანდება. არსებობს 3 ტიპის ნაკრები: 2 ლარიანი, 5 ლარიანი, 10-ლარიანი.

ნაკრებს ერთმანეთისგან განასხვავებს:

  • მომსახურების ყოველთვიური / ყოველწლიური საკომისიო;
  • საბანკო სერვისების ტარიფები;
  • ნაკრებში შემავალი პროდუქტები;
  • სატარიფო პაკეტის მომსახურების ღირებულება;
  • ბარათების ახალი დიზაინი.

თიბისის ნაკრებით სარგებლობა მნიშვნელოვნად ზოგავს მომხმარებლის დროს და ამარტივებს მათ ცხოვრებას.