39 წლის ჯოი ჩესტნატი ჰოთ-დოგების სწრაფად ჭამის წლევანდელი კონკურსის გამარჯვებულია. 10-წუთიან შეჯიბრში ჯოიმ 62 ჰოთ-დოგი შეჭამა და კონკურენტები უკან ჩამოიტოვა. ჯოისთვის ეს პირველი შემთხვევა არ არის, როცა ჰოთ-დოგების სწრაფად ჭამის კონკურსში პირველი ადგილი მოიპოვა. ამ შეჯიბრში ჯოიმ უკვე 16-ჯერ გაიმარჯვა.

ჰოთ-დოგების ჭამის კონკურსი ნიუ-იორკში 4 ივლისს ყოველწლიურად იმართება. ჯოიმ კონკურსში მონაწილეობა 2004 წლიდან დაიწყო. 2004 წლიდან დღემდე კი, ჯოის ამ კონკურსში 1150-ზე მეტი ჰოდ-დოგი აქვს ნაჭამი.

ჰოთ-დოგის სწრაფად ჭამის შეჯიბრი ქალებს შორისაც ყოველწლიურად ტარდება. წელს პირველი ადგილი მიკი სუდომ მოიპოვა, რომელმაც 10 წუთში 39 ჰოთ-დოგის შეჭმა შეძლო. რაც შეეხება ჯოის, მან გასულ წელს 63 ჰოთ-დოგი შეჭამა, წელის კი მხოლოდ ერთით ნაკლები.

ჯოიმ პერსონალური რეკორდი 2021 წელს დაამყარა, როცა 10 წუთში 76 ჰოთ-დოგი შეჭამა. კონკურსი ნიუ-იორკში 1972 წლიდან ტარდება და მასში მონაწილეობა შეუძლია ყველას, ვინც უკვე 18 წლის არის.