იმისათვის, რომ YouTube-ზე ვიდეოებს ურეკლამოდ ვუყუროთ, YouTube Premium-ის შეძენაა საჭირო. მიუხედავად ამისა, ზოგიერთი მომხმარებელი უბრალოდ მესამე მხარის აპლიკაციას ან რეკლამების დამბლოკს იყენებს. კომპანია ამის საწინააღმდეგო ზომების მიღებას იწყებს და ახალ პოლიტიკას ტესტავს.

Reddit-ის მომხმარებელ Reddit_n_Me-ს ეკრანზე სპეციალური მენიუ გამოუჩნდა, როცა პერსონალურ კომპიუტერზე YouTube-ს ჩართული AdBlock-ით უყურებდა.

ფოტო: Reddit/Reddit_n_Me

ეკრანზე გამოჩენილ მენიუში ჩანს, რომ მომხმარებლები ყურების გაგრძელებას ვეღარ შეძლებენ, თუ ჩართული დამბლოკით უკვე სამი ვიდეო ნახეს.

"როგორც ჩანს, რეკლამის დამბლოკს იყენებ. ვიდეოს გაშვება დაიბლოკება, თუ YouTube-ს რეკლამების გაშვების ნებართვა არ ექნება ან რეკლამების დამბლოკი არ იქნება გამორთული", — ვკითხულობთ ფოტოზე.

ჩანს ორი ღილაკიც: YouTube-ისათვის რეკლამების გაშვების ნებართვას იძლევა, მეორე კი YouTube Premium-ის შეძენისთვისაა განკუთვნილი.

YouTube-იდან უკვე დაადასტურეს, რომ აღნიშნული პოლიტიკა მართლაც იტესტება.

თუ სტატიაში განხილული თემა და ტექნოლოგიების სფერო შენთვის საინტერესოა, შემოგვიერთდი ჯგუფში, სადაც ვლაპარაკობთ ტექნოლოგიებზე.