დეტალები: ეკონომიკის ყოფილი მინისტრის კანდიდატურას მხარი საბჭოს უმრავლესობამ დაუჭირა.

  • ის ეროვნული ბანკის პრეზიდენტი მოვალეობას შეასრულებს.
  • თურნავა სამეთვალყურეო საბჭომ პირველ ვიცეპრეზიდენტად მას შემდეგ შეარჩია, რაც მმართველმა გუნდმა ვეტო დაძლია და კანონში შეტანილი ცვლილებები ამოქმედდა.
  • "ჩვენ ყველას გვაერთიანებს ეროვნული ბანკის მიმართ ერთგულება, საერთო მიზანი, ვემსახუროთ ქვეყნის ფინანსურ სტაბილურობას და ჩვენი გუნდი კვლავინდებურად გააგრძელებს ერთობლივად მუშობას ეროვნულ ბანკში ამ მიმართულებით", — თქვა თურნავამ.

რატომ არის მნიშვნელოვანი: 13 ივნისს პარლამენტმა დაძლია ვეტო და ეროვნული ბანკის შესახებ ორგანულ კანონში ცვლილებები შეიტანა.

  • შეიქმნა პირველი ვიცეპრეზიდენტის თანამდებობა, რომელსაც ეროვნული ბანკის საბჭო დანიშნავს და გაათავისუფლებს.
  • ის, საჭიროების შემთხვევაში, ეროვნული ბანკის პრეზიდენტის მოვალეობას შესრულებს.
  • ზურაბიშვილი ამბობდა, რომ კანონში ცვლილებები არც საჭირო იყო და არც არგუმენტირებული.
  • მანამდე პრეზიდენტმა ეროვნული ბანკის საბჭოს წევრობის კანდიდატებს შორის არ დაასახელა მოქმედი ფინანსთა მინისტრი, ლაშა ხუციშვილი, რომელიც მმართველი პარტიის სასურველ კანდიდატად განიხილება — სწორედ ეს სახელდებოდა კანონში ცვლილებების შეტანის მიზეზად.