გაფიცული მაღაროელი: ჩვენი გეგმაა, რომ დავიწყოთ შიმშილობა, შიმშილობა იქნება უვადო

19 Jun. 2023, 16:58

არსებული ვითარება არის უკიდურესად მძიმე ჭიათურაში. უკვე მე-14 დღეა ჩვენი პროტესტოს. გრძელდება, უშედეგოდ გრძელდება, რამაც გამოიწვია მღელვარება და ჩვენი თბილისამდე ჩამოსვლა. დღეს არის შიმშილობის მე-8 დღე. უკვე რამდენიმე ადამიანმა თვალები ამოიკერა, პირი ამოიკერა, ვენები გადაიჭრა და ეს უკვე ისეთ მგდომარეობამდე მიდის, რომ შეუქცევადი პროცესია. ვცდილობ, რომ რამენაირად, ჩემს მეგობრებთან ერთად, თბილისამდე ჩამოვიტანო ეს პრობლემები და თუ კი რამეა შესაძლებელი, რომ ეშველოს დღეს ჭიათურას და გადარჩეს დღეს ჭიათურა და მისი მოქალაქეები, მშვიდობიანად დასრულდეს ეს პროტესტი, ამისთვის ვცდილობ, რომ ყველაფერი გავაკეთო.

ჩვენი გეგმაა, რომ უნდა დავიწყოთ შიმშილობა. თუ არ იქნება გამოხმაურება, რამე დიალოგზე წამოსვლა, დღის ბოლოდან დავიწყებთ შიმშილობას. იმედია, გვექნება იმის საშუალება, რომ კარავი გავშალოთ, ან იყოს სადმე ისეთი ადგილი, რომ ადამიანურ პირობებში მოხდეს ეს ყველაფერი. თუ არადა, ჩვენ მაგისთვისაც მზად ვართ. ადამიანების გარკვეული ჯგუფი დაჯდება საშიმშილოდ. დანარჩენი მათ გვერდით ვიქნებით და ეს შიმშილობა იქნება უვადო. ჩვენ არ ვაპირებთ აქედან ისე წავიდეთ, რომ ჩვენი ჭიათურა ისევ პრობლემებში დარჩეს და პრობლემებში დავტოვოთ. ჩვენ ან ვეწირებით ამ საქმეს, ან უნდა გადავარჩინოთ ჭიათურა დღეს.

ბოლო ამბები: