LOUDspeakers-მა ახალი სიმღერა, სახელად Feel Me, გამოუშვა. სიმღერის მოსმენა როგორც იუთუბზე, ასევე Spotify-ის, Apple Music-ისა და Deeze-ის აპლიკაციებშია შესაძლებელი.

შეგახსენებთ, რომ LOUDspeakers 2009 წელს შეიქმნა და მას შემდეგ მისი სოლისტი ლევან ლაუდაძეა. სრული შემადგენლობით ბენდი მაყურებლის წინაშე პირველად ახალი ჯგუფების ფესტივალ Altervision/Newcomers-ზე წარდგა 2010 წელს და რჩეულებს შორისაც აღმოჩნდა.

ჯგუფის პირველი სტუდიური ალბომი Lighthouse მსმენელში დიდი პოპულარობით სარგებლობს. განსაკუთრებული სიყვარული კი სიმღერას World in My Eyes ხვდა წილად — იუთუბზე კომპოზიციას უკვე 10 მილიონზე მეტჯერ მოუსმინეს. ასევე ჯგუფის პოპულარულ სიმღერებს შორისაა In This World, Old Dreamer და We Are One.

აღსანიშნავია, რომ LOUDspeakers-ის წევრები პოლიტიკური აქტივიზმითაც გამოირჩევიან. ისინი საჯაროდ უჭერენ მხარს ქვეყნის ევროპულ მომავალს და ღიად გმობენ პრორუსულ პოლიტიკას.