პრემიერი ჰომოფობიურ და პროპაგანდისტულ ნარატივებს ისევ ავრცელებს — ამჯერად რა იკადრა
რა მოხდა: პრემიერმინისტრი ფაშიზმზე გამარჯვების დღის აღსანიშნავად კიკვიძის ბაღში მივიდა დღეს, 9 მაისს, როგორც ამას რუსეთში აკეთებენ და არა 8 მაისს, როგორც ევროპის ქვეყნების უმრავლესობაში.
- ჟურნალისტებთან საუბრისას, მას უნგრეთში კონსერვატიულ კონფერენციაზე ჰომოფობიური გამოსვლის შესახებ კითხეს, თუმცა პრემიერმა კრიტიკის მიუხედავად, უკან არ დაიხია და ამჯერადაც ტრანსოფობიური განცხადებები აკეთა.
- "მე ვთქვი ძალიან მარტივი ჭეშმარიტება, რომ ჩვენ არ დავუშვებთ არც უმცირესობაზე ძალადობას და ისევე არ დავუშვებთ უმცირესობის ძალადობას და მათ აგრესიულ პროპაგანდას ჩვენი მოსახლეობის, ხალხის უმრავლესობაზე", — ამბობდა პრემიერმინისტრი ქვეყანაში ერთ-ერთ ყველაზე ჩაგრულ ჯგუფზე, ქვიარ თემზე საუბრისას.
- ამ დროს ჟურნალისტმა მას ჰკითხა, თანასწორია თუ არა ყველა ადამიანი, რაზეც ღარიბაშვილი იმეორებდა: "რა თქმა უნდა, რა თქმა უნდა".
- თუმცა, მისი შემდგომი განცხადებები, ამ სიტყვებს ცალსახად ეწინააღმდეგებოდა.
- "ეს უფლებები არის გარანტირებული კონსტიტუციით ჩემო ძვირფასებო, უფრო მეტიც, ჩვენ კანონით გავამყარეთ ეს ყველაფერი და არცერთი ადამიანის დისკრიმინაცია არ ხდება ამ ქვეყანაში", — გვარწმუნებდა პრემიერი და უგულებელყოფდა დისკრიმინაციული მიდგომის არაერთ ფაქტს, რომელსაც ლგბტ ადამიანები ყოველდღიურ ცხოვრებაში აწყდებიან.
რა თქვა: ღარიბაშვილი ამტკიცებდა, თითქოს ქვეყნის უმრავლესობა კონსერვატიულ ღირებულებებს იზიარებს, თუმცა არ უთქვამს, რომელ კვლევას ან მონაცემებს ეყრდნობა.
- "ჩვენი ქვეყნის აბსოლუტური უმრავლესობა, მე ასე ვიტყოდი, დაახლოებით, ეს არის 90% იზიარებს იმ კონსერვატიულ შეხედულებებს, ოჯახურ ფასეულობებს, ღირებულებებს, რომლითაც ჩვენ ყველანი დღემდე მოვედით. ეს არის ქრისტიანული ფასეულობები. ეროვნული, პატრიოტული, ოჯახური ღირებულებები. მე ამაზე მაქვს საუბარი", — თქვა პრემიერმა.
- "თქვენთვის მისაღებია ის აღვირახსნილი პროპაგანდა, რომელიც მიმდინარეობს ზოგიერთ ქვეყნებში, იგივე სქესის გადაკეთებასთან დაკავშირებით", — ჰკითხა მან ჟურნალისტს და პროპაგანდისტული, მანიპულაციური ნარატივების გაჟღერება გააგრძელა, თითქოს ევროპაში ბაღებსა და სკოლებში ბავშვებზე ზემოქმედებენ გენდერის შესაცვლელად.
- ჟურნალისტებმა ღარიბაშვილს მოუწოდეს, დაესახელებინა, რომელ ქვეყანაში ხდება ასე, პრემიერს კი პასუხი არ ჰქონდა და მხოლოდ ის თქვა, რომ ჟურნალისტებს თავად შეუძლიათ ინფორმაცია მოიპოვონ ამაზე, მათი ვალდებულება კი საზოგადოების ინფორმირებაა, რასაც გააკეთებენ.
გარდა ამისა, პრემიერს ჰკითხეს სოციალისტების ჯგუფიდან ქართული ოცნების შესაძლო გარიცხვის შესახებ, რაზეც მან თქვა, რომ პარტია იმსჯელებს და თავადაც გააკეთებენ დასკვნებს, შემდე კი ისევ ჰომოფობიური განცხადებები გააჟღერა.
- "თურმე ეს [კონსერვატიულ კონფერენციაში მონაწილეობა] არის მიუღებელი მათთვის, თურმე მიუღებელი არის ჩემს მიერ გაკეთებული განცხადებები. მე ვთქვი, რომ მიუღებელია ლგბტ პროპაგანდა ბავშვებში, სკოლებში, ბაღებში და ეს აღვირახსნილი, აგრესიული პროპაგანდა, რაც შეეხება გენდერს და სქესის გადაკეთებას. თუ ამის გამო ვიღაცას არ უნდა ჩვენს პოლიტიკურ პარტიასთან, მმართველ ძალასთან თანამშრომლობა, ეს მათი სურვილია", — თქვა პრემიერმა.
რატომ არის მნიშვნელოვანი: 5 მაისს ღარიბაშვილი უნგრეთის დედაქალაქში მიმდინარე კონსერვატორთა კონფერენციიის ერთ-ერთი სპიკერი იყო.
- კონფერენცია დევიზით — "ერთად ჩვენ ძლიერები ვართ" — ძირითადად ამერიკელი და ევროპელი კონსერვატორების მონაწილეობით იმართება, რადგან, როგორც AP წერს, ევროპაში იზოლირებული უნგრეთის პოპულისტური მთავრობა მოკავშირეებს და თანამოაზრეებს ეძებს.
- თავად ორგანიზატორები ამბობენ, რომ ეს შეხვედრა "ფოკუსირებული იქნება ლიბერალების კოშმარზე: ეროვნული ძალების საერთაშორისო გაერთიანებაზე".
- რაც შეეხება ღარიბაშვილს, რომელიც ბოლო პერიოდში უნგრეთის პრორუს პრემიერთან, ვიქტორ ორბანთან მეგობრობას ცდილობს, ეს საერთაშორისო ტრიბუნა ჰომოფობიური გზავნილების გასაჟღერებლად გამოიყენა.
- ჰომოფობია ღარიბაშვილისგან სიახლე ნამდვილად არ არის, თუმცა ადამიანს, რომლის სიტყვებმაც 5 ივლისს მასშტაბური ძალადობა წაახალისა, მსგავსი გამოსვლის შედეგებზე უფრო მეტი უნდა ეფიქრა.
ტრადიციები, სამშობლო, სარწმუნოება: ღარიბაშვილმა ჩამოთვალა ფასეულობები, რომლებიც მისი თქმით, საქართველოს მთელ ისტორიასა და კულტურას განსაზღვრავს და გამოსვლის უმეტესობა ამ საკითხებით მანიპულაციას დაუთმო.
- "ეს არის რწმენა, თავისუფლება, მშვიდობა, ღირსება, სიმართლე, თანასწორობა, ოჯახის სიწმინდე, მშობლების, წინაპრების, ტრადიციების პატივისცემა, სამშობლოსა და ადამიანების სიყვარული, უკეთესი მომავლის იმედი", — განაცხადა მან.
- იქვე აღნიშნა ისიც, რომ ამ რთულ დროში უმთავრესი იარაღი სწორედ ტრადიციული, ქრისტიანული, ოჯახური, კონსერვატიული ფასეულობებია.
- "რასაკვირველია, ტრადიციების ერთგულება არ ნიშნავს, რომ უარი უნდა ვთქვათ განახლებაზე. მაგრამ ჩვენ ვიცით, რომ ბოროტება ხშირად სწორედ განახლების სახელით მოდის. ასე იყო ფაშიზმის შემთხვევაშიც, და არაერთხელ მთელს ისტორიაში", — თქვა პრემიერმა.
- შემდეგ კი ტექნოლოგიებისა და კომუნიკაციების განვითარებას დრამატული განახლებები უწოდა და საუბარი "მორალურ ორიენტირებზე" დაიწყო.
პრემიერმინისტრის ჰომოფობია: მალევე ამ ღირებულებების დაცვის მოტივით, ღარიბაშვილის გამოსვლას მძაფრი ჰომოფობიური და ტრანსფობიური ტონი დაემატა, რომელიც კარგად ნაცნობ პროპაგანდისტულ ელემენტებს შეიცავდა.
- კარგად ნაცნობს იმიტომ, რომ ამ მესიჯბოქსებს კრემლის პროპაგანდისტული მედია არაერთი წელია ავრცელებს, ბოლო წლებში კი ამ ფუნქციას საქართველოში ქართული მარში, ალტინფო და პოსტივი ითავსებენ.
- ღარიბაშვილი "ლგბტ პროპაგანდაზე" ალაპარაკდა — სანამ გავაგრძელებთ, უნდა აღვნიშნოთ, რომ არ არსებობს, არანაირი მსგავსი პროპაგანდა და ასე ჰომოფობები ქვიარ თემის მიერ ფუნდამენტური უფლებებისთვის ბრძოლას მოიხსენიებენ.
- "სწორედ ტრადიციული, ოჯახური ფასეულობების ნგრევით და ყალბი თავისუფლების თავსმოხვევით — ლგბტ პროპაგანდით, არასრულწლოვანი ბავშვებისათვის — მშობლების გვერდის ავლით სქესის შეცვლის დაკანონების მცდელობით, ასეთი ეგრეთწოდებული სიახლეების იძულებით, რომელიც ადამიანს საკუთარ ფესვებს, ოჯახს, საკუთარ ტრადიციას, კულტურას, ისტორიას მოწყვეტს", — თქვა მან.
- სქესის შეცვლის შიშებით უკვე არაერთი წელია მანიპულირებს რუსული პროპაგანდა, ამ ნარატივის ნაწილია ისიც, თითქოს ქვიარ თემის წევრები პატივს არ სცემენ ოჯახს და კულტურას, რაც სიმართლე არ არის.
- "ჩვენ ვამბობთ მარტივ რამეს — არავის ინტერესები არ უნდა შეიზღუდოს სხვათა ინტერესების გამო", — თქვა პრემიერმინისტრმა, რომლის მმართველობის დროსაც ქვეყანაში უმცირესობების უფლებები რეალიზებული არ არის, თუმცა, რა თქმა უნდა, ეს არც კი უხსენებია.
სტრიქონებს შორის: ღარიბაშვილის ეს სიტყვები განსაკუთრებით საგულისხმოა იმ პერიოდში, როდესაც პრორუსულმა და ძალადობრივმა ალტ-ინფომ დააინიცირა კანონპროექტი, რომლის მიზანია, შეიზღუდოს ლგბტქი ადამიანების გამოხატვის თავისუფლება.
- მიუხედავად მთავრობის მტკიცებისა, რომ საკითხის განხილვას არ აპირებენ, ღარიბაშვილის დღევანდელი გამოსვლა სხვა რამის მთქმელია.
- არც ის უნდა დაგვავიწყდეს, რომ მათთან აფილირებული მედიები და აქტორები ბოლო კვირებია აქტიურად ავრცელებენ ჰომოფობიურ მესიჯებს.
- ასევე, ღარიბაშვილმა გაიმეორა ჰომოფობების მიერ არაერთხელ გამოყენებული ნარატივი — თქვა, რომ არ დაუშვებენ უმცირესობების წარმომადგენლებზე ძალადობას, ისევე, როგორც, უმცირესობის ძალადობას უმრავლესობაზე.
- გაუგებარია, ვინ და რატომ უნდა ენდოს ღარიბაშვილის ამ სიტყვებს, როცა მან არამხოლოდ დაუშვა, არამედ წაახალისა მასშტაბური ძალადობა უმცირესობის წარმომადგენლებზე.
- "ჩვენ, ასევე, ვიცავთ უმრავლესობის უფლებებს, რომელთათვისაც ოჯახი ქალსა და მამაკაცს შორის ერთობაა, დედა — ქალია, მამა კი — კაცი", — გააგრძელა პრემიერმა ჰეტერონორმატიული დოქტრინით.
-
გადახედვაანრი ოხანაშვილმა კომიტეტის სხდომის დარბაზი სალომე სამადაშვილს და თამარ კორძაიასაც დაატოვებინა ანრი ოხანაშვილმა კომიტეტის სხდომის დარბაზი სალომე სამადაშვილს და თამარ კორძაიასაც დაატოვებინა
-
-
-
გადახედვაალექსი პეტრიაშვილს ფიზიკური დაზიანებები არ აღენიშნება, ის დროებითი დაკავების იზოლატორშია — სახალხო დამცველის აპარატი ალექსი პეტრიაშვილს ფიზიკური დაზიანებები არ აღენიშნება, ის დროებითი დაკავების იზოლატორშია — სახალხო დამცველის აპარატი
-
გადახედვასამხარაძე აქციის მონაწილეებს: დაგცინით, გათრევთ და გთანგავთ! სამხარაძე აქციის მონაწილეებს: დაგცინით, გათრევთ და გთანგავთ!
-
გადახედვაპარლამენტში უსაფრთხოების ყვითელი დონე მოქმედებს, ონლაინმედიის წარმომადგენლებს შენობაში კვლავ არ გვიშვებენ პარლამენტში უსაფრთხოების ყვითელი დონე მოქმედებს, ონლაინმედიის წარმომადგენლებს შენობაში კვლავ არ გვიშვებენ
-
გადახედვააქციაზე ალექსი პეტრიაშვილი დააკავეს აქციაზე ალექსი პეტრიაშვილი დააკავეს
-
გადახედვასაია: არ არსებობს მშვიდობიანი აქციის დაშლის კანონისმიერი წინაპირობა საია: არ არსებობს მშვიდობიანი აქციის დაშლის კანონისმიერი წინაპირობა
-
გადახედვათბილისის მერია აცხადებს, რომ რუსული კანონის საწინააღმდეგო აქცია არასანქცირებულია თბილისის მერია აცხადებს, რომ რუსული კანონის საწინააღმდეგო აქცია არასანქცირებულია
-
გადახედვაწიწაკის სპრეის გამოყენების გამო, აქციის მონაწილეების ნაწილი შეუძლოდ გახდა წიწაკის სპრეის გამოყენების გამო, აქციის მონაწილეების ნაწილი შეუძლოდ გახდა
-
გადახედვაშსს კიდევ ერთ განცხადებას ავრცელებს შსს კიდევ ერთ განცხადებას ავრცელებს
-
გადახედვარუსთაველზე დაძაბულობაა — მობილიზებულია სპეცრაზმი და წყლის ჭავლის მანქანა რუსთაველზე დაძაბულობაა — მობილიზებულია სპეცრაზმი და წყლის ჭავლის მანქანა
-
გადახედვაშსს აქციასთან დაკავშირებით განცხადებას ავრცელებს შსს აქციასთან დაკავშირებით განცხადებას ავრცელებს
-
გადახედვაპარლამენტთან ვითარება დაიძაბა — აქციის მონაწილეები ცდილობენ, საქართველოსა და ევროკავშირის დროშებით სცენაზე ავიდნენ პარლამენტთან ვითარება დაიძაბა — აქციის მონაწილეები ცდილობენ, საქართველოსა და ევროკავშირის დროშებით სცენაზე ავიდნენ
-
გადახედვამშვიდობიანი აქციის მონაწილეები, რესპუბლიკის მოედნიდან, პარლამენტისკენ დაიძრნენ მშვიდობიანი აქციის მონაწილეები, რესპუბლიკის მოედნიდან, პარლამენტისკენ დაიძრნენ
-
გადახედვაპროვოკაციების თავიდან აცილების მიზნით, აუცილებელია ხვალინდელი საკომიტეტო მოსმენის გადადება — ენმ და სტრატეგია აღმაშენებელი პროვოკაციების თავიდან აცილების მიზნით, აუცილებელია ხვალინდელი საკომიტეტო მოსმენის გადადება — ენმ და სტრატეგია აღმაშენებელი
-
გადახედვაარა რუსულ კანონს! — რესპუბლიკის მოედანზე საპროტესტო აქცია მიმდინარეობს არა რუსულ კანონს! — რესპუბლიკის მოედანზე საპროტესტო აქცია მიმდინარეობს
-
გადახედვარესპუბლიკის მოედანზე რუსული კანონის საწინააღმდეგო აქციის მონაწილეები იკრიბებიან რესპუბლიკის მოედანზე რუსული კანონის საწინააღმდეგო აქციის მონაწილეები იკრიბებიან
-
გადახედვაგორგილაძის აუტანელი სიმსუბუქე: საღამოს ევროპული მარშია დაგეგმილი, ამიტომ გადაცემა დღეს არ გავა. ინტერვიუ მოიცდის, ჩვენი ქვეყნის წინაშე მდგომი გამოწვევები ვერა. გორგილაძის აუტანელი სიმსუბუქე: საღამოს ევროპული მარშია დაგეგმილი, ამიტომ გადაცემა დღეს არ გავა. ინტერვიუ მოიცდის, ჩვენი ქვეყნის წინაშე მდგომი გამოწვევები ვერა.
-
გადახედვაბრიტნი სპირსის სასამართლო პროცესი საბოლოოდ დასრულდა — ბრიტნი თავისუფალია ბრიტნი სპირსის სასამართლო პროცესი საბოლოოდ დასრულდა — ბრიტნი თავისუფალია
-
გადახედვაროგორ გავძლებთ აქ? — LOUDspeakers პოლიტიკურ პროცესებს სიმღერით ეხმაურება როგორ გავძლებთ აქ? — LOUDspeakers პოლიტიკურ პროცესებს სიმღერით ეხმაურება
კომენტარები