პოსტულატს "საყვარელ ადამიანთან ერთად განტვირთვა, დროის სასიამოვნოდ გატარება და მოგონებების შექმნა კიდევ უფრო ამყარებს ურთიერთობას" ხშირად გაიგონებთ ან ინტერნეტში წაიკითხავთ და ამაში ტყუილი არც არაფერია, მეტიც, ფსიქოლოგებიც ამავეს გვირჩევენ, არა?!

და მაინც, როგორ უნდა გავაღვივოთ ნაპერწკალი და გადავაქციოთ ცეცხლად? — ყველაფრის საიდუმლო მრავალფეროვანი აქტივობებია. სწორედ ამიტომ, ჩვენ რამდენიმე იდეას მოგაწვდით:

1. ლაშქრობა

მცირე ლაშქრობა ახლომდებარე მთებში და ადვილად გასავალ ტყეებში ყოველთვის კარგი იდეაა. გარდა სათავგადასავლო დატვირთვისა, ფიზიკური აქტივობა ემოციების გაუმჯობესების არაჩვეულებრივი გზაა, თუმცა სწორად დაგეგმვა აქაც გვმართებს. გაითვალისწინეთ მარტივი რჩევები: ცადეთ ლაშქრობა ნაცნობ ქალაქთან მაქსიმალურად ახლოს, განსაზღვრეთ მისი ხანგრძლივობა და შეუთანხმეთ ის თქვენს პარტნიორს, ჩაიცვით მაქსიმალურად კომფორტული ფეხსაცმელი და მაქსიმალურად დაიფარეთ სხეულის ზედაპირი, არ დაგავიწყდეთ ზურგჩანთის სასუსნავებით, წყლით, ხელსახოცებითა და სხვა აუცილებელი ნივთებით შევსება. ლაშქრობა სასიამოვნო გამოცდილება უნდა იყოს, სწორედ ამიტომ, მაქსიმალურად შეეცადეთ, მოლოდინები თქვენი შესაძლებლობების გათვალისწინებით შეიქმნათ.

2. პიკნიკი

კარგი ამინდი ბუნებაში ყოფნის და გემრიელი პიკნიკის სურვილს აჩენს, მითუმეტეს, რომ თბილისში და მის გარშემო იდეალური პირობებია ოჯახური თუ სამეგობრო გასვლისთვის. თუ თქვენს პარტნიორსაც იზიდავს დროის სუფთა ჰაერზე გატარების იდეა, შეავსეთ კალათი მსუბუქი, გემრიელი ხემსით, გამაგრილებელი სასმლითა და სამაგიდო თამაშებით. ფონური მუსიკისთვის პორტატიული დინამიკი, კომფორტისთვის — პლედი, განწყობისთვის კი — ღვინო დაგჭირდებათ.

3. ღვინის დეგუსტაცია

სხვათა შორის, დეგუსტაცია, რაიმე ახლის გაცნობა თუ შესწავლა ერთმანეთთან გვაახლოებს და კიდევ უფრო ამყარებს "უხილავ ძაფებს". საქართველოში ბევრი პატარა მარანი თუ ოჯახური მეურნეობაა, რომელიც ღვინის ან ეროვნული სამზარეულოს მარგალიტების გასინჯვას გთავაზობთ. როგორც წესი, 1 საათიანი ვიზიტი ისტორიის გაცნობას, სხვადასხვა ქიმიური თუ გემოვნური თვისებების შესახებ საინტერესო ინფორმაციის მოსმენას და უშუალოდ დეგუსტაციას მოიცავს.

4. კერძების მომზადება

გიფიქრიათ, რამხელა ბარიერს წარმოქმნის ურთიერთობაში ის ფაქტი, რომ ორ განსხვავებულ (ან ძალიან მსგავს) ადამიანს, შესაძლოა, სულაც არ ჰქონდეს საერთო ჰობი ან ინტერესი? თანამედროვე პრობლემებს თანამედროვე გადაწყვეტები სჭირდება, სწორედ ამიტომ, წყვილები ახალი ჰობის გაჩენას ერთად ცდილობენ და სხვადასხვა საინტერესო აქტივობით კავდებიან, მათ შორის — კერძების მომზადებით, რაც როგორც სახლში, ფქვილიანი ხელითა და ლამაზად მოხატული წინსაფრით, ასევე სპეციალურ სივრცეებში, მასპინძლის მასტერკლასით შეგიძლიათ.

5. სასტუმროში დარჩენა — გ ა ნ ტ ვ ი რ თ ვ ა

სპა დღე არაჩვეულებრივი იდეაა, თუმცა გარემოს სრულად გამოსაცვლელად სასტუმროში ღამის გატარებაზე რას იტყოდით? კიდევ უფრო აქტიურად გიზიარებთ რეკომენდაციებს ლოკაციებზე, რომელიც დედაქალაქის ცენტრიდან 1 საათის სავალ რადიუსზეა განთავსებული.

Gulf Aquamarine Hotel, Tbilisi — 5 ვარსკვლავიანი სასტუმრო თბილისის ზღვის საკურორტო ზონაში, სადაც 360 გრადუსით შთამბეჭდავი პანორამული ხედები, უგემრიელესი სამზარეულო, კეთილმოწყობილი სასეირნო ბილიკები და სხვა სიკეთეები დაგხვდებათ.

Gino Paradise — შედარებით მსუბუქი დასვენებისთვის, ნებისმიერი ასაკის ადამიანის უალტერნატივო არჩევანი ჯინო ფერედაისი უნდა იყოს. გარდა ველნეს, პრემიუმ სივრცეებისა, სადაც სხვადასხვა სპა ოთახი და პროცედურა ერთიანდება, ხელმისაწვდომია დახურული აკვაპარკი და აუზი, რომელიც რელაქსაციისთვის არაჩვეულებრივ გარემოს ქმნის.

Gino Wellness Mtskheta – თბილისიდან 15 კილომეტრში, მცხეთის შესანიშნავი ხედებით და ისტორიული შემოგარენით, რომლის ფეხით შემოვლაც კი კმარა ახალი ემოციებით დასატვირთად. სასტუმროს აქვს ველნეს და სპა ცენტრი, სადაც არის ორი სახეობის საუნა, ჯაკუზი და ღია აუზი. ველნეს მომსახურება შედის ნომრის ღირებულებაში.

ზოგჯერ გეჩვენება რომ ცხოვრება ზედმეტად ჩქარია, ბევრი ერთნაირი დღე ერთმანეთს ცვლის და თითქოს ახალიც არაფერი ხდება. სწორედ ამ დროს, თავად უნდა გადაწყვიტო საკუთარი თავის ან საყვარელი ადამიანის გახალისება, ახალი ემოციების მიღებისთვის განეწყო და დაგეგმო დღე, რომელიც ორივეს დაგამახსოვრდებათ.

რუბრიკის სპონსორია Gulf Aquamarine Hotel, 5-ვარსკვლავიანი სასტუმრო კომპლექსი, რომელიც თბილისის ზღვაზე, აკვაპარკ ჯინო ფერედაისის საკურორტო ზონაში მდებარეობს და მოიცავს აუზს, რესტორანს, ბარებს, საკონფერენციო სივრცეებს და წვეულების დარბაზს.