საზოგადოებრივი მაუწყებლის გადაცემების შესარჩევმა კომისიამ ცხრა გადაცემას რეკომენდაცია მისცა და გენერალურ დირექტორს შესთავაზა. საზოგადოებრივი მაუწყებლის სტრატეგიული სამსახურის უფროსი, ია ანთაძე ამბობს, რომ მაუწყებლის დირექტორი გაეცნობა გადაცემების საპილოტე ვერსიებს და გადაცემების საეთერო ბადეში ჩასმაზე გადაწყვეტილებას მას მერე მიიღებს.

კომისიის ერთ-ერთმა წევრმა, დავით ბუხრიკიძემ On.ge-ს გადაცემების ჩამონათვალი გააცნო.

სოციალური ტოქ-შოუ:

  • რეალური სივრცე

კულტურულ-შემეცნებითი გადაცემა:

  • გიორგი ასანიშვილი - ნაცნობი მელოდიები

კულტურის სიახლეების მიმოხილვა:

  • თეონა ჯორბენაძე - Modem/Art

ჯანსაღი ცხოვრება:

  • მარი მალაზონია - პირადი ექიმი - მარი მალაზონია

სოფლის მეურნეობა:

  • თამარ ბოლქვაძე - ფერმა

საბავშვო შემეცნებითი გადაცემა:

  • დალი ხოჯავა - სუპერ გმირი
  • თამარ ციციშვილი - ხარ თუ არა მეხუთე კლასელზე ჭკვიანი?!
  • ნინო კელაურიძე - წიგნების თარო
  • ნინო გოგოლაური - გურმანი

კონკურსის ფარგლებში, მაუწყებელში, სულ 153 პროექტი შევიდა. საკონკურსო კომისია, რომელმაც გადაცემები შეარჩია ასე იყო დაკომპლექტებული:

  • დრამატურგი - თამარ ბართაია;
  • სოციოლოგი - იაგო კაჭკაჭიშვილი;
  • მედიაკრიტიკოსი - დავით ბუხრიკიძე;
  • სცენარისტი, რეჟისორი - სოფო ბაბლუანი;
  • წარმოებისა და ტექნიკური უზრუნველყოფის ბლოკის დირექტორი - თეო მაზმიშვილი;
  • სატელევიზიო არხების ხელმძღვანელი - რუსუდან მანჯგალაძე;
  • დოკუმენტური ფილმების სტუდიის ხელმძღვანელი - კოტე ჯანდიერი;
  • წარმოების დეპარტამენტის უფროსი - თემურ გოგოლაძე;
  • ვიზუალური გაფორმების სამსახურის უფროსი - კახაბერ ბუხრაშვილი;
  • კვლევისა და ანალიტიკის სამსახურის სოციოლოგი - რუსუდან ახვლედიანი;
  • ონლაინ მედია ხელმძღვანელი - თამარ კაციტაძე.