ბრიტანეთის ვიცე-პრემიერმა, დომინიკ რააბმა თანამდებობა პარასკევს დატოვა.

რატომ არის მნიშვნელოვანი: დამოუკიდებელი გამოძიების მიხედვით, ის კოლეგებს აბუჩად იგდებდა და აბულინგებდა.

  • პარასკევს, Twitter-ზე გამოქვეყნებულ წერილში დომინიკ რააბმა განაცხადა, რომ ვიცეპრემიერის პოსტის დატოვება მას შემდეგ გადაწყვიტა, რაც ოფიციალურმა გამოძიებამ მის მიმართ არსებული რამდენიმე ბრალდება დაადასტურა.
  • მოქმედ პრემიერმინისტრს გამოძიებაზე ოფიციალური კომენტარი არ გაუკეთებია, თუმცა განაცხადა, რომ დამწუხრებულია კოლეგის გადადგომის გამო.
  • რააბი აცხადებს, რომ გადაწყვეტილების მიუხედავად კვლავ მხარს დაუჭერს სუნაკს და დიდი ბრიტანეთის მთავრობას.

დეტალები: რააბი არ ეთანხმება ბრალდებებს, რომ უყვიროდა, საგნებს ესროდა, აშინებდა თანამშრომლებს ან განზრახ ვინმეს დაკნინებას ცდილობდა.

  • "გულწრფელად ვწუხვარ ნებისმიერი სტრესის ან შეურაცხყოფის გამო, რომელიც რომელიმე თანამდებობის პირმა განიცადა, იმ ტემპის, სტანდარტებისა და გამოწვევის შედეგად, რაც მე დავნერგე იუსტიციის სამინისტროში", — აცხადებს ის წერილში და ბოდიშს იხდის.
  • ამასთანავე, რააბის შეფასებით, ამ გამოძიებამ საშიში პრეცედენტი შექმნა, რომელიც მინისტრების წინააღმდეგ ყალბ საჩივრებს წაახალისებს.
  • იგი ამტკიცებს, რომ გამოძიებაში გამოიკვეთა გარკვეული შეუსაბამობები, რაც მოიცავს "სისტემატურ, შეთითხნილ პრეტენზიების მედიაში გამოძიების წესებისა და საჯარო სამსახურის ქცევის კოდექსის დარღვევით".