ერთი ადამიანი დაიღუპა და 10 დაშავდა, როდესაც დიდ ბრიტანეთში მეჩეთიდან გამოსული მუსლიმების ჯგუფში მანქანა შევარდა. ინფორმაციას BBC ავრცელებს.

ადგილობრივი პოლიციის თქმით, მსხვერპლიც და ყველა დაშავებული მუსლიმია. დაკავებულია თავდასხმაში ეჭვმიტანილი 48 წლის კაცი, პოლიციის თქმით, მას შესაძლოა ფსიქიკური პრობლემები ჰქონდეს.

თვითმხილველის თქმით, მანქანის მძღოლი ყვიროდა "დავხოცოთ ყველა მუსლიმი".

იმამის თქმით, ხალხი ჯერ კიდევ სატვირთოში მჯდომი მძღოლის გადმოყვანას და მასზე თავდასხმას გეგმავდა და პოლიციის მოსვლამდე სახალხო გასამართლებისგან ის მუსლიმმა ლიდერებმა დაიცვეს.