ცოტა ხნის წინ TasteAtlas-ზე მსოფლიოს საუკეთესო ყველიანი კერძების სია გამოავლინეს, რომელთა შორისაც ხაჭაპური მე-6 ადგილზე მოხვდა. TasteAtlas-ზე მსოფლიოს სხვადასხვა ქვეყნის კერძებს ვებგვერდის მომხმარებლები აფასებენ, ხმის მიცემა კი დარეგისტრირების შემთხვევაში ყველას შეუძლია.

ყველიან კერძებს შორის პირველ ადგილზე შვეიცარიული ტრადიციული კერძი — რაკლეტი გავიდა. გარდა იმისა, რომ ქართულმა ხაჭაპურმა მე-6 ადგილი დაიკავა, 50 საუკეთესო ყველიან კერძს შორის ხაჭაპურის სხვადასხვა სახეობებიც მოხვდა.

TasteAtlas-ის შეფასებების მიხედვით, საუკეთესო ყველიან კერძებს შორის მეგრული ხაჭაპური მე-18 ადგილზეა, აჭარული ხაჭაპური 22-ე ადგილზე, გურული ხაჭაპური 34-ე ადგილზე გავიდა, იმერული ხაჭაპური 38-ზე ადგილზეა, ხოლო სვანურმა ხაჭაპურმა 42-ე ადგილი დაიკავა. სრული სიის ნახვა ამ ბმულზეა შესაძლებელი.

TasteAtlas სამოგზაურო გზამკვლევია ტრადიციული კერძების შესახებ, სადაც მომხმარებლები სხვადასხვა ქვეყნის სამზარეულოს აფასებენ და თავიანთ მოსაზრებებს გამოთქვამენ. ამასთანავე, ვებგვერდი დაახლოებით 10000 კერძის შესახებ გვაწვდის ინფორმაციას, თუ რომელ ქვეყნებსა და რესტორნებში შეიძლება მათი დაგემოვნება. ვებგვერდზე ასევე ცნობილი ტრადიციული კერძების რეცეპტებსაც ნახავთ, რაც თქვენთვის გამორჩეულად გემრიელი კერძების მომზადებაში დაგეხმარებათ.