გაინტერესებს მოდის ინდუსტრია? მაშინ გამოიყენე შანსი, ისწავლო LIM College-ში, ნიუ იორკში. LIM (Laboratory Institute of Merchandising) College დაფუძნებულია ბიზნესისა და მოდის სამყაროს ცენტრში და სპეციალიზებულია მოდის და მასთან დაკავშირებული ინდუსტრიების ბიზნესში.

LIM გამორჩეულია სტუდენტებისთვის სტაჟირების შესაძლებლობებით ისეთ კომპანიებში, როგორებიცაა: Prada, Harper’s Bazaar, Chanel, Louis Vuitton, Christian Louboutin, L’Oreal USA, Jimmy Choo, Versace, Dolce & Gabbana, Salvatore Ferragamo, Tommy Hilfiger USA, Marie Claire, Viacom/MTV, MAC Cosmetics, Michael Kors, Nickelodeon, Vera Wang, Vineyard Vines, Givenchy Corporation, Marc Jacobs International, Zac Posen, The Madison Square Garden Company, Topshop, Warner Bros. Entertainment, Max Mara USA, Nike და ა.შ.

LIM-ში "სწავლა კეთებით" გამოცდილებაზე დაფუძნებული სასწავლო პროცესის შედეგად სტუდენტები სწრაფად პოულობენ მათთვის სასურველ სამუშაოს. დამსაქმებელთა 98% მიიჩნევს, რომ LIM სტუდენტები მზად არიან კარიერისთვის.

განათლების ცენტრ LEAF-ის ორგანიზებით 2023 წლის 8 აპრილს გაიმართება განათლების საერთაშორისო გამოფენა, სადაც LIM კოლეჯს წარმოადგენს საუნივერსიტეტო რეიტინგების კომპანია QS და დაინტერესების შემთხვევაში შესაძლებლობა გექნება მიიღო შენთვის საჭირო ინფორმაცია უნივერსიტეტის პროგრამების, სტუდენტური ცხოვრების და დასაქმების პერსპექტივების შესახებ.

შემოთავაზებული საბაკალავრო პროგრამებია:

  • მოდის მედია ხელოვნება;
  • Fashion Merchandising;
  • საერთაშორისო ბიზნესი;
  • მენეჯმენტი;
  • ვიზუალური სწავლება;
  • მოდის ბიზნესი;
  • მოდის მარკეტინგი.

შემოთავაზებული სამაგისტრო პროგრამებია:

  • მოდის ტენდენციები და ვაჭრობის მენეჯმენტი;
  • მოდის მარკეტინგი;
  • გლობალური მოდის მიწოდების ჯაჭვის მენეჯმენტი;
  • მოდის ბიზნესი;
  • მომხმარებელთა ანალიტიკა.

LIM College არის შესანიშნავი არჩევანი სტუდენტებისთვის, რომლებიც დაინტერესებულნი არიან კარიერა განაგრძონ მოდის ბიზნესში ან მასთან დაკავშირებულ ინდუსტრიებში და რომელთაც სურთ მიიღონ პრაქტიკული გამოცდილება ნიუ-იორკის ცენტრში. LIM College-ს აქვს აქტიური სტუდენტური ცხოვრება, მრავალი კლუბითა და ორგანიზაციით, რომლებიც ორიენტირებულია მოდასა და ბიზნესზე, ასევე მრავალფეროვან კულტურულ და სოციალურ აქტივობებზე, კოლეჯი სტუდენტებს ასევე სთავაზობს დისტანციურ სწავლებას.

განათლების ცენტრი LEAF, QS-თან პარტნიორობის ფარგლებში, სააპლიკაციო პროცესში დახმარებას სრულიად უფასოდ გაგიწევს.

ფოტო: LEAF

გამოიყენე შესაძლებლობა პირადად შეხვდე ევროპის და ამერიკის უნივერსიტეტების წარმომადგენლებს განათლების საერთაშორისო გამოფენაზე 8 აპრილს 12:00 საათიდან 17:00 საათამდე, Pullman Axis Towers-ში.

რეგისტრაცია და დასწრება არის სრულიად უფასო. მონაწილეობის მისაღებად საჭიროა დარეგისტრირდეთ შემდეგ ბმულზე: logos.edu.ge/leaf/

განათლების გამოფენის ოქროს სპონსორია Transport and Telecommunication Institute — TSI, ხოლო ვერცხლის სპონსორია Academy of Mathematics & Science, The Global American University, Schiller, Constructor (Jacobs) University.

LEAF-ის პარტნიორია ბრიტანული კომპანია QS (Quacquarelli Symonds), რომელიც ცნობილია საუნივერსიტეტო რეიტინგების კვლევებითა და განაცხადების პლატფორმით, რაც საშუალებას აძლევს საზღვარგარეთ სწავლის გაგრძელების მსურველ სტუდენტებს მარტივი სააპლიკაციო პროცედურით გააგზავნონ განაცხადები პარტნიორ პრესტიჟულ უნივერსიტეტებში.

LEAF-ის განათლების გამოფენის პარტნიორი კომპანიები არიან:

  • სარეკლამო სააგენტო McCann Tbilisi;
  • ყავის და ჩაის კაფსულის მწარმოებელი კომპანია მეამა.

გამოფენის ფარგლებში ტრანსპორტირებას უზრუნველყოფს Bene Exclusive.