რამდენიმე დღის წინ, ცნობილმა ქართველმა პიანისტმა ხატია ბუნიათიშვილმა ერთ-ერთ გერმანულ არხს, WDR FERNSEHEN-ს, ინტერვიუ მისცა, რომელშიც საქართველოსთან და უკრაინასთან დაკავშირებით რუსეთის პოლიტიკაზე ისაუბრა.

პიანისტმა ასევე განმარტება გააკეთა იმ ფაქტზე, თუ რატომ ამბობს უარს რუს დირიჟორ ვალერი გერგიევთან ერთად კონცერტში მონაწილეობაზე.

"ვალერი გერგიევთან არასდროს დავუკრავ არა იმიტომ, რომ ის პუტინის მეგობარია. მეგობრობა ისეთი რამაა, რომელშიც შეზღუდვა არ არსებობს, ადამიანი მეგობრობს იმასთან, ვისთანაც თავად სურთ. გერგიევი ჩემთვის იმიტომ არის მიუღებელი, რომ ის პუტინის პოლიტიკას უწევს პროპაგანდას. პუტინი კი პატივს არ სცემს ადამიანის უფლებებს. მას ოკუპირებული აქვს ჩემი სამშობლო - საქართველო, ახდენს უკრაინის ანექსიას, ყველამ იცის რა ხდება სირიაში და ვინ არის ამაში დამნაშავე. ასეთ დროს ჩვენ არ გვაქვს უფლება ნეიტრალურები ვიყოთ, ჩვენ ამ მოვლენებზე აუცილებლად უნდა მოვახდინოთ რეაგირება. ვფიქრობ, ეს ჩვენი აბსოლუტური პასუხისმგებლობაა. მე ვარ საქართველოს და ასევე მსოფლიოს მოქალაქე, ამიტომ ვალდებული ვარ ვთქვა, რომ არსებობს პრობლემები და პირადად ჩემთვის ისინი მიუღებელია", - ამბობს ინტერვიუში ხატია ბუნიათიშვილი.