თავდაცვის სამინისტრო სოციალურ ქსელებში გავრცელებულ ინფორმაციას ეხმაურება.

რატომ არის მნიშვნელოვანი: დღეს პარლამენტმა რუსული კანონი პირველი მოსმენით მიიღო.

  • რუსთაველზე შეკრებილ დემონსტრანტებს, რომლებიც რუსულ კანონს აპროტესტებენ, სპეცრაზმის წევრები სპეციალური საშუალებების გამოყენებით, მათ შორის, სავარაუდოდ, წიწაკის სპრეისა და წყლის ჭავლის გამოყენებით შლიან.

დეტალები: უწყების განცხადებით, სოციალურ ქსელში, ყალბი გვერდების გამოყენებით ვრცელდება ინფორმაცია, თავდაცვის ძალების გარკვეული ქვედანაყოფის დაუმორჩილებლობის შესახებ.

  • "აღნიშნული ინფორმაცია წარმოადგენს სიცრუეს და საზოგადოების შეცდომაში შეყვანის მიზანმიმართულ მცდელობას. მოვუწოდებთ ყველას თავი შეიკავონ ცრუ ინფორმაციის გავრცელებისგან", — ნათქვამია განცხადებაში.