ამის შესახებ ისინი სოციალურ ქსელში განცხადებებს ავრცელებენ.

რატომ არის მნიშვნელოვანი: აქამდე რუსული კანონის საწინააღმდეგო პოზიცია არა ერთმა ხელოვანმა, მსახიობმა თუ საგანმანათლებლო სივრცის წარმომადგენელმა გამოხატა.

  • კლუბები გმობენ მმართველი ძალის განზრახვას მიიღოს უცხოური აგენტების შესახებ კანონი, რომელმაც რამდენიმე წელიწადში შეიძლება, კრიტიკული საზოგადოებრივი ორგანიზაციების გაქრობა გამოიწვიოს.

Leftbanktbilisi: "მიგვაჩნია, რომ ამ კანონპროექტის მიღება ძირს უთხრის საქართველოს გზას ევროინტეგრაციისაკენ და ამით ეწინააღმდეგება საზოგადოების სრული უმრავლესობის არჩევანს — ევროკავშირს", — წერენ სოციალურ ქსელში.

  • ისინი მოუწოდებენ ქართველ კანონმდებლებს, რომ პატივი სცენ სამოქალაქო საზოგადოებას, ქვეყნის არჩევანს და დაიცვან დემოკრატიისა და კანონის უზენაესობის პრინციპები.

Mzesumzira: "მზესუმზირა უერთდება პროტესტს რუსული კანონის წინააღმდეგ, ევროპა ჩვენი თვითმიზანია", — ნათქვამია განცხადებაში.

ACT4culture: წერენ, რომ კულტურის, ხელოვნებისა და შემოქმედებით ინდუსტრიაში დასაქმებული პირების უარი რუსულ კანონს.

  • "საქართველოს კულტურისა და შემოქმედებით ინდუსტრიებში დასაქმებული სხვადასხვა პროფესიის წარმომადგენლები მოგმართავთ საქართველოს პარლამენტს არ მიიღოთ კანონი უცხოური გავლენის გამჭვირვალობის შესახებ", — წერს კლუბი.

Kibe: უერთდებიან პროტესტს კანონის წინააღმდეგ რომელსაც თვლიან, რომ რუსული გავლენის მატარებელია და შორსაა მათი სურვილების, მიზნებისა და მისწრაფებებისკენ.

  • "გვსურს, ორიენტირებულები ვიყოთ, დამოუკიდებელი, გამართული ევროპული სტანდარტებისა და სახელმწიფოს სწორი შენებისკენ", — ნათქვამია განცხადებაში.