საზიზღარი გოგოები პირველად 2004 წელს იხილა მაყურებელმა და საკულტო ფილმის სტატუსს დღემდე არ კარგავს. მასში მონაწილე ახალგაზრდა მსახიობებს კი — რეიჩელ მაკადამსს, ამანდა სეიფრიდსა და ლინდსი ლოჰანს დღეს უკვე მთელ მსოფლიოში იცნობენ.

ფოტო: Paramount Pictures

ახლახან ამანდა სეიფრიდის ინტერვიუდან გაირკვა, რომ თავდაპირველად მსახიობი რეჯინა ჯორჯის როლის მიღებას იმედოვნებდა, თუმცა, საბოლოოდ, ის რეიჩელ მაკადამსს ხვდა წილად. კარენის როლი კი, რომელიც მოგვიანებით ამანდამ მიიღო, შეიძლებოდა, ბლეიკ ლაივლის შეხვედროდა.

ფოტო: JILL GREENBERG FOR VARIETY

ფოტო: GETTY

"ლოს-ანჯელესში პირველად დედასთან ერთად გავფრინდი. ძალიან გახარებული ვიყავი," — იხსენებს სეიფრიდი. — "ლინდსი ლოჰანსაც შევხვდი და ვნახე, ბლეიკ ლაივლი სინჯების დროს კარენს თამაშობდა, მაშინ მე რეჯინას როლი შევასრულე."

მსახიობს ეგონა, ან მიიღებდა რეჯინას როლს, ან ვერა, და ყველაფერი ამით დასრულდებოდა, თუმცა სახლში დაბრუნების შემდეგ, დაურეკეს და უთხრეს, რომ კარენის როლს სთავაზობდნენ.

"მითხრეს, 'მგონი, კარენის როლისთვის უფრო შესაფერისი ხარ'. მეც, რა თქმა უნდა, დავთანხმდი."

მარსი ლიროფის თქმით, რომელიც ფილმისთვის სამსახიობო სინჯებს ხელმძღვანელობდა, ბლეიკ ლაივლი ერთ-ერთი ფავორიტი იყო და კარენის როლი თითქმის მიიღო კიდეც, თუმცა, საბოლოოდ, ამანდა სეიფრიდის კანდიდატი მეტად მოეწონათ ფილმისთვის და საზიზღარი გოგოების ყველაზე გულუბრყვილო პერსონაჟის როლი სწორედ მას გადაულოცეს.

ფოტო: Paramount Pictures