2023 წლის თებერვლის პირველი ნახევარი საფონდო ბირჟებისთვის საინტერესო აღმოჩნდა. სასოფლო-სამეურნეო პროდუქტის კომპანიებით დაწყებული, ხელოვნურ ინტელექტზე მომუშავე გიგანტებით დამთავრებული, ყველა 2023 წლის ცვლილებებისთვის ემზადება და ძალებს იკრეფს.

ანალიტიკოსების შეფასებით, თებერვლის პირველ ნახევარში ყველაზე სწრაფად მზარდი ინდუსტრია ენერგეტიკა იყო. ინდუსტრიის ETF ჯამში 4.9%-ით გაიზარდა. ინდუსტრიის ტოპ 20-მა კომპანიამ სავაჭრო კვირა "მწვანეზე" დახურა. ანალიტიკოსები მიზეზად რუსეთის მიერ ნავთობის წარმოების შემცირებას ასახელებს. წარმოების შემცირების შემდეგ, ფასი იზრდება, რაც სხვა მწარმოებლების მოგებას ზრდის. სწორედ ეს მოხდა თებერვლის პირველ ნახევარში.

Exchange-Traded Fund (ETF) — ფონდი, რომელიც ინვესტიციებს აგროვებს და სხვადასხვა სექტორში ანაწილებს. გაცვლითი სავაჭრო ფონდები მათთვის შეიქმნა, ვისაც ერთდროულად ბევრ კომპანიაში უნდა ინვესტირების განხორციელება.

მეორე მხრივ, ყველაზე "წამგებიანი" ინდუსტრია კომუნიკაციები აღმოჩნდა. ინდუსტრიის ETF კლება 5.6% აღმოჩნდა. 20-დან 19 კომპანიის აქციები შემცირდა და მხოლოდ Activision Blizzard (ATVI) აღმოჩნდა "წარმატებული", რომლის მატება 0.3% იყო. ინდუსტრიის ყველაზე წამგებიანი კომპანიებიდან Alphabet (GOOGL) ლიდერობს, რომლის ETF კლება 9.7% იყო.

დამატებით, ერთ-ერთი ყველაზე მნიშვნელოვანი ფაქტორი, რაც გავლენას ახდენს საფონდო ბირჟებზე, ინფლაციის დონეა. აშშ-ში 14 თებერვალს იანვრის ინფლაციის დონე გამოქვეყნდა, რომელიც ოდნავ შემცირებულია (დეკემბერში — 6.5%, იანვარში — 6.4%). ინვესტორებისთვის ეს მნიშვნელოვანი სიგნალია, რადგან მიყოლებით რამდენიმე თვეა, რაც ინფლაციის დონე მცირდება. ეს კი პირდაპირ აისახება საფონდო ბირჟაზე მოქმედი კომპანიების შემოსავლებზე.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.