სარკინიგზო ხაზის გორი-ნიქოზის მონაკვეთზე მატარებელს სატვირთო ავტომობილი დაეჯახა და რელსებიდან გადაიყვანა. ტელეკომპანია რუსთავი 2-ის ინფორმაციით დაშავდნენ სატვირთოს მგზავრი და მძღოლი.

"საბედნიეროდ მსხვერპლი არ არის. ორი ადამიანი დაზარალდა, ერთმა ფეხი მოიტეხა ერთს ხელი აქვს ნაღრძობი. მიმდინარეობს ყველა ჩართულია პროკურატურა, რკინიგზის დეპარტამენტი და ადგილობრივი ხელისუფლებაც ვეხმარებით, რამდენადაც შეგვიძლია, საკითხის მოგვარებაში," – განუცხადა რუსთავი 2-ს გორის მერმა, ზურაბ ჯირკველიშვილმა.

არხის ინფორმაციით, გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს. ამ მუხლით, მექანიკური ტრანსპორტის მოძრაობის უსაფრთხოების ან ექსპლუატაციის წესის დარღვევა იმის მიერ, ვინც ამ სატრანსპორტო საშუალებას მართავს, რამაც გამოიწვია ჯანმრთელობის ნაკლებად მძიმე დაზიანება ისჯება ჯარიმით ან თავისუფლების შეზღუდვით ვადით სამ წლამდე ანდა თავისუფლების აღკვეთით იმავე ვადით, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ