შესაბამისი გადაწყვეტილება ცენტრალურმა საარჩევნო კომისიამ დღეს გამართულ სხდომაზე მიიღო.

რატომ არის მნიშვნელოვანი: ცესკოს თავმჯდომარე ამბობს, რომ საარჩევნო კომისიამ ისტორიული მნიშვნელობის გადაწყვეტილება მიიღო, რომლის თანახმადაც, 2024 წლის საპარლამენტო არჩევნებში ამომრჩეველთა თითქმის 90% კენჭისყრაში მონაწილეობას ელექტრონული საშუალებების გამოყენებით შეძლებს.

  • როგორც უწყებაში აცხადებენ, ეს მნიშვნელოვნად შეუწყობს ხელს ღიაობისა და გამჭვირვალობის მაღალი სტანდარტის დანერგვას საარჩევნო უბნებზე.

დეტალები: ცესკოს ინფორმაციით, იმ საარჩევნო უბნებზე, სადაც ტექნოლოგიები არ იქნება გამოყენებული, ბიულეტენები გაციფრულდება.

  • "აღსანიშნავია, რომ მიმდინარე წლის გაზაფხულზე დაგეგმილი შუალედური/რიგგარეშე არჩევნებიც ელექტრონული ტექნოლოგიების გამოყენებით და იმავე კრიტერიუმების მიხედვით ჩატარდება, რომელიც 2024 წლის პარლამენტის არჩევნებზე იმოქმედებს", — ნათქვამია განცხადებაში.