ამის შესახებ ოფიციალურ განცხადებაში ვკითხულობთ.

რატომ არის მნიშვნელოვანი: 4 თებერვალს, ეროვნულ გალერეაში, კულტურის ცენტრ ათინათის გამოფენის გახსნაზე, ერთ-ერთმა მხატვარმა, სანდრო სულაბერიძემ საკუთარი ნამუშევარი ჩამოხსნა და მის ნაცვლად, კედელზე დატოვა წარწერა — "ხელოვნება ცოცხალი და დამოუკიდებელია".

  • გამოფენის კურატორი, ქეთი შავგულიძე დღეს პოლიციაში გამოჰკითხეს, თუმცა უცნობია, რომელი მუხლით დაიწყო გამოძიება.

დეტალები: გალერეაში ამბობენ, რომ კედლის პირვანდელი იერსახე აღდგენილია და გამოფენა "ნორმალურ პირობებში" მიმდინარეობს.

  • "გამოფენის გახსნისას, გამოფენის ერთ-ერთმა მონაწილე მხატვარმა, სანდრო სულაბერიძემ, გამოფენაში მონაწილეობა გადაიფიქრა (კედლიდან საკუთარი ნამუშევარი ჩამოხსნა) და შესასხურებელი საღებავით წარწერა გააკეთა, რითაც დააზიანა ეროვნული გალერეის საგამოფენო სივრცის კედელი. მხატვრის მიერ ეროვნული გალერეის დაზიანების შედეგები აღმოფხვრილია", — ნათქვამია განცხადებაში.