პერის ჰილტონი 2023 წელს სასიხარულო სიახლით იწყებს — 41 წლის ვარსკვლავი ახლახან დედა გახდა. ცნობილმა ბიზნესვუმენმა და მისმა ქმარმა, კარტერ რეუმმა, გადაწყვიტეს, მშობლები სუროგაციის გზით გამხდარიყვნენ და ახლახან პირველი საერთო შვილი შეეძინათ.

"ყოველთვის ვოცნებობდი დედობაზე და საოცრად მიხარია, რომ მე და კარტერმა ერთმანეთი ვიპოვეთ,"— განაცხადა პერისმა PEOPLE-თან ინტერვიუში. — "გვიხარია, რომ ოჯახის ახალი წევრი გვყავს და გულები ჩვენი პატარა ბიჭის სიყვარულისგან გვისკდება."

ფოტო: Shutterstock

პერისი და კარტერი 2021 წლის ნოემბერში დაქორწინდნენ. ვარსკვლავის თქმით, მათ ინვიტრო განაყოფიერების პროცესი ჯერ კიდევ კორონავირუსის პანდემიის დროს დაიწყეს.

"პანდემია რამდენიმე თვის დაწყებული იყო და ყველაფერი დაკეტილი, როცა ინვიტრო განაყოფიერების პროცესი დავიწყეთ," — გაამხილა პერისმა. —"ვიცოდით, რომ ბავშვები გვინდოდა, ამიტომ გადავწყვიტე, რომ ეს პერიოდი ჩვენთვის ხელსაყრელი იყო, რადგან სხვა შემთხევაში წელიწადის 250 დღეს თვითმფრინავში გავატარებდი."

ფოტო: Instagram

ასე ისარგებლა პანდემიის შეზღუდვებით ვარსკვლავურმა წყვილმა და დღეს უკვე ბედნიერი მშობლები არიან.

"სიტყვებით ვერც გადმოვცემ, უკვე ისე მიყვარხარ," — დაწერა პერისმა ინსტაგრამზე.