ინფორმაციას ამის შესახებ გარემოს ეროვნული სააგენტო აქვეყნებს.

დეტალები: აღმოსავლეთ საქართველოში ზოგან კი ძლიერ თოვას ვარაუდობენ.

  • სააგენტოში ამბობენ, რომ 10-12 იანვარს შავი ზღვის სანაპიროს რაიონებში, ზემო იმერეთში, კოლხეთის დაბლობსა და გორის-სურამის გზის მონაკვეთზე დროგამოშვებით აღმოსავლეთის მიმართულების ძლიერი ქარი იქროლებს

რატომ არის მნიშვნელოვანი: მათი თქმით, საავტომობილო გზების ცალკეულ მონაკვეთებზე შესაძლებელია ნისლი, ქარბუქი, ხილვადობის გაუარესება, ლიპყინული და ელექტროგადამცემ ხაზებზე შემოყინულობა.

  • ამასთან, 10-11 იანვარს ღამის საათებში დასავლეთ საქართველოს დაბლობში ჰაერის ტემპერატურა, სავარაუდოდ, -3, -5 გრადუსამდე დაეცემა, რამაც შესაძლოა, ციტრუსოვანი კულტურების, განსაკუთრებით კი ლიმონის დაზიანება გამოიწვიოს.
  • აღმოსავლეთ საქართველოს ბარში კი, სინოპტიკოსების პროგნოზით, ტემპერატურა -8, -10 გრადუსამდე დაიკლებს, რასაც შესაძლებელია, თოვლის საფარის გარეშე დარჩენილი საშემოდგომო ნათესების დაზიანება მოჰყვეს.