ინფორმაციას თურქეთის პრეზიდენტზე დაყრდნობით Reuters ავრცელებს.

რატომ არის მნიშვნელოვანი: აღმოჩენის შედეგად, თურქეთის ბუნებრივი აირის მოპოვება შავ ზღვაში ახლა 710 მილიარდ კუბურ მეტრს აღწევს.

  • თურქეთი, რომელსაც ცოტა ნავთობი და გაზი აქვს, მნიშვნელოვნად არის დამოკიდებული რუსეთიდან, აზერბაიჯანიდან და ირანიდან გაზის იმპორტზე.

დეტალები: ერდოღანმა განაცხადა, რომ თურქეთმა 58 მილიარდი კუბური მეტრის ოდენობის ახალი რეზერვი Caycuma-1 საბადოზე აღმოაჩინა.

  • ამასთანავე, საკარიას საბადოზე აირის სავარაუდო მოცულობა 652 მილიარდ კუბურ მეტრამდე გაიზარდა.
  • თურქეთი ნახშირწყალბადების რესურსებს ეძებს ხმელთაშუა ზღვაშიც, სადაც სადავო წყლებში წარმართულმა ოპერაციებმა საბერძნეთთან და კვიპროსთან დაძაბულობა გამოიწვია.