საქართველოს პრეზიდენტის ადმინისტრაციის უფროსი, გიორგი აბაშიშვილი, მიესალმება საქართველოს პარლამენტის თავმჯდომარის, ირაკლი კობახიძის გადაწყვეტილებას, რომლის მიხედვითაც საქართველოს პარლამენტი ვენეციის კომისიის დასკვნამდე საკონსტიტუციო ცვლილებებს არ განიხილავს.

აბაშიშვილი ასევე მიიჩნევს, რომ საკონსტიტუციო კომისის შექმნის და საქმიანობის სულისკვეთება პრეზიდენტ მარგველაშვილზე ანგარიშსწორება იყო.

პრეზიდენტის ადმინისტრაციის უფროსი კობახიძეს პასუხობს, რომ კომპრომისი არ მოუთხოვიათ:

"ქართველი ხალხის ნება-სურვილია აირჩიოს პრეზიდენტი პირდაპირი წესით და მათი ეს სურვილი არ შეეხება, კონკრეტულად 2018 წელს მარგველაშვილის არჩევას. ქართველ ხალხს სურს პრეზიდენტის პირდაპირი წესით არჩევა 2018 წელს, 2023 წელს და ყოველშემდგომ არჩევნებზე. შესაბამისად, ჩვენ არც ერთ შემთხვევაში არ ვაპირებთ ქართველი ხალხის ნებით და ამ უფლებით ვაჭრობას".