ადამსების ოჯახი კინოს ისტორიაში უკვე ლეგენდადაა ქცეული, ამიტომ მაყურებელი დიდი სიხარულით შეხვდა Netflix-ის ახალ სერიალს Wednesday, რომელშიც მთავარ როლს მსახიობი ჯენა ორტეგა ასრულებს. სერიალის რეჟისორი და აღმასრულებელი პროდიუსერი ტიმ ბარტონია, რომელიც ცნობილია პროექტებით Batman, Edward Scissorhands, Corpse Bride და Miss Peregrine's Home for Peculiar Children.

სერიალმა დიდი მოწონება დაიმსახურა და უამრავი ფანის აზრით, ადამსების ოჯახის ერთ-ერთი ყველაზე საინტერესო წევრი ხელია, რომლის წარსული და წარმოშობის ისტორია კვლავდაკვლავ საიდუმლოდ რჩება.

ფოტო: Netflix

აღმოჩნდა, რომ ხელის როლს სერიალში მსახიობი ვიქტორ დორობანტუ ასრულებს, რომელიც ასევე ჯადოქარი და ილუზიონისტია. ყოველ ჯერზე, როცა ეკრანზე ამ ჯადოსნურ ხელს ვხედავთ, კამერის მიღმა ვიქტორი მუშაობს.

ფოტო: Victor Dorobantu / Instagram

ხელმა მაყურებლის საოცარი სიყვარული დაიმსახურა და ზოგიერთი ფანი სწორედ მას უწოდებს შოუს მთავარ გმირსა და ყველას მხსნელს.

"შეგიძლიათ, მეჩხუბოთ, მაგრამ ხელი იყო ამ შოუს მთავარი გმირი. მან არა მარტო ვენსდეი, არამედ ყველა დანარჩენიც იხსნა."

ჯენა ორტეგას თქმით, ტიმ ბარტონს სურდა, რომ სერიალშიც ხელის როლი ნამდვილ ადამიანს მოერგო, როგორც ეს 90-იანი წლების ფილმში მოხდა, ამიტომ შეირჩა როლზე ილუზიონისტი და ჯადოქარი ვიქტორ დორობანტუ.