კავკასიის კვლევითი რესურსების ცენტრის (CRRC) კვლევის მიხედვით, 2016 წელს მოქალაქეების იმ ნაწილის პროცენტული მაჩვენებელი, რომლებიც თავს უმუშევრად თვლიან, 2013 წლის მონაცემთან შედარებით შემცირებულია:

"2016 წელს მოსახლეობის ის წილი, რომელიც თავს უმუშევრად თვლის, 2013 წლის მონაცემთან შედარებით 1 პროცენტული ფუნქტით, ხოლო 2015 წლის მაჩვენებელთან შედარებით 5 პროცენტული ფუნქტით შემცირდა და მოსახლეობის 65% შეადგინა, ეს კი საქართველოს დაახლოებით 2 მლნ მოქალაქეს უდრის" - ვკითხულობთ კვლევაში.

აღსანიშნავია, რომ მონაცემები არ ემთხვევა საქსტატის ოფიციალურ მაჩვენებლებს, რომლის მიხედვითაც 2013 წლის მონაცემებით უმუშევრობის დონე 14.6% ხოლო, 2015 წელს 12.0% იყო.

სტატისტიკის სამსახურის და CRRC-ის გამოკითხვის შედეგები განსხვავებულ ინფორმაციას აჩვენებს, რაც IT-ის თქმით, აღრიცხვის მეთოდოლოგიაში არსებული განსხვავებითაა გამოწვეული.

საერთაშორისო გამჭვირვალობა - საქართველოს დაკვეთით კავკასიის კვლევითი რესურსების ცენტრმა (CRRC) მთელი ქვეყნის მასშტაბით გამოკითხვა ჩაატარა, რომელშიც მონაწილეობა 2032 ადამიანმა მიიღო.

კვლევა 2016 წლის 15-28 მარტს ჩატარდა.