TV 25-ის ინფორმაციით, შუახნის ასაკის კაცმა არასრულწლოვანზე სექსუალურად იძალადა.

დეტალები: როგორც ადგილობრივი მედია იუწყება, ბავშვმა ოჯახის წევრებს მომხდარის შესახებ უამბო, რის შემდეგაც მსხვერპლ არასრულწლოვანზე მამამ ფიზიკურად იძალადა.

  • ბავშვი დაზიანებებით სამედიცინო დაწესებულებაში გადაიყვანეს.
  • On.ge-ს შინაგან საქმეთა სამინისტროში განუცხადეს, რომ სექსუალური ხასიათის დანაშაულისა და ძალადობის ფაქტებზე დაწყებულია გამოძიება.
  • ამ ეტაპზე ცნობილია მხოლოდ ის, რომ ოჯახში ძალადობის მუხლით დაკავებულია მამა.

განახლება: დღეს, 24 ნოემბერს პროკურატურამ გაავრცელა ინფორმაცია, რომ მამამ შვილი არა გაუპატიურებაზე მონაყოლის შემდეგ, არამედ გენდერული შეუწყნარებლობის მოტივით, 19 ნოემბერს სცემა და სიცოცხლის მოსპობით დაემუქრა, "იმის გამო, რომ იყო გოგო და სახლში გვიან დაბრუნდა".

  • 20 ნოემბერს კი მეორე ბრალდებულმა არასრულწლოვან დაზარალებულთან სქესობრივი კავშირი დაამყარა.
  • მამა დაკავებულია, სსკ-ის 126-ე პრიმა მუხლის მეორე ნაწილის ა ქვეპუნქტით (არასრულწლოვან ოჯახის წევრზე ძალადობა) და 11 პრიმა 151-ე მუხლის მეორე ნაწილის გ და დ ქვეპუნქტებით (მუქარა არასრულწლოვანი ოჯახის წევრის მიმართ) ბრალდებით.

ჯერ დაკავებული არ არის არასრულწლოვანის გაუპატიურებაში ბრალდებული პირი, რადგან, პროკურატურის განცხადებით, იგი საგამოძიებო უწყებაში გამოცხადებას თავს არიდებს.

  • მას ბრალდება სისხლის სამართლის კოდექსის 140-ე მუხლის პირველი ნაწილით წარედგინა, რაც გულისხმობს სქესობრივი კავშირის დამყარებას წინასწარი შეცნობით 16 წლის ასაკს მიუღწეველთან.